ନୂଆଦିଲ୍ଲୀ,୧୦/୦୨/୨୦୨୬: ପିଜ୍ଜା ପ୍ରେମୀଙ୍କ ଉତ୍ସାହକୁ ଦ୍ୱିଗୁଣିତ କରିବା ପାଇଁ ‘ଡୋମିନୋଜ୍ ଇଣ୍ଡିଆ’ (Domino’s India) ଏକ ଆକର୍ଷଣୀୟ ଅଫର୍ ନେଇ ଆସିଛି। ଜାତୀୟ ପିଜ୍ଜା ଦିବସ ଅବସରରେ କମ୍ପାନୀ ଏକ ଅନନ୍ୟ ସୋସିଆଲ ମିଡିଆ ପ୍ରତିଯୋଗିତା ଆରମ୍ଭ କରିଛି, ଯାହା ଗ୍ରାହକଙ୍କ ମଧ୍ୟରେ ବେଶ୍ ହଇଚଇ ସୃଷ୍ଟି କରିଛି। ଏହି ଅଫର୍ ଅଧୀନରେ ପ୍ରତି ମାସରେ ତିନି ଜଣ ଭାଗ୍ୟବାନ ବିଜେତାଙ୍କୁ ସମ୍ପୂର୍ଣ୍ଣ ଏକ ବର୍ଷ ପର୍ଯ୍ୟନ୍ତ ମାଗଣା ପିଜ୍ଜା ଯୋଗାଇ ଦିଆଯିବ।
ଏହି ପ୍ରତିଯୋଗିତାରେ ଭାଗ ନେବା ପାଇଁ କମ୍ପାନୀ ଏକ ସର୍ତ୍ତ ରଖିଛି। ଆପଣଙ୍କୁ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ (X) ରେ ନିଜର ସୃଜନଶୀଳତା ପ୍ରଦର୍ଶନ କରିବାକୁ ପଡ଼ିବ। ଆପଣ କାହିଁକି ଏହି ମାଗଣା ପିଜ୍ଜା ପାଇବା ପାଇଁ ଯୋଗ୍ୟ, ସେ ସମ୍ପର୍କରେ ଏକ ଆକର୍ଷଣୀୟ ଉତ୍ତର ଲେଖିବାକୁ ହେବ। ଏଥିସହିତ ପୋଷ୍ଟ କରିବା ସମୟରେ #DearDominosIndia ହ୍ୟାସଟ୍ୟାଗ୍ ବ୍ୟବହାର କରିବା ଅନିର୍ବାର୍ଯ୍ୟ।
ପୁରସ୍କାର ଭାବରେ ମନୋନୀତ ହୋଇଥିବା ତିନି ଜଣ ବିଜେତାଙ୍କୁ ଆଗାମୀ ୧୨ ମାସ ପର୍ଯ୍ୟନ୍ତ ପ୍ରତି ମାସରେ ୫୦୦ ଟଙ୍କା ମୂଲ୍ୟର ପିଜ୍ଜା ଭାଉଚର୍ ମିଳିବ। ଏହି ଭାଉଚର୍ ବ୍ୟବହାର କରି ବିଜେତାମାନେ ନିଜ ମନପସନ୍ଦର ପିଜ୍ଜା ମାଗଣାରେ ଉପଭୋଗ କରିପାରିବେ।
ଉଲ୍ଲେଖଯୋଗ୍ୟ ଯେ, ପିଜ୍ଜାର ଉତ୍ପତ୍ତି ଇଟାଲୀର ନେପଲ୍ସ ସହରରୁ ହୋଇଥିଲେ ମଧ୍ୟ ବର୍ତ୍ତମାନ ଏହା ଭାରତୀୟଙ୍କର ଅତି ପ୍ରିୟ ଖାଦ୍ୟରେ ପରିଣତ ହୋଇଛି। ଜାତୀୟ ପିଜ୍ଜା ଦିବସରେ ଡୋମିନୋଜର ଏହି ପଦକ୍ଷେପ ଦର୍ଶାଉଛି ଯେ, ପିଜ୍ଜା ଏବେ କେବଳ ଏକ ଖାଦ୍ୟ ନୁହେଁ ବରଂ ଏହା ଖାଦ୍ୟପ୍ରେମୀଙ୍କ ପାଇଁ ଏକ ଭାବନାରେ ପରିଣତ ହୋଇଛି।
