ଭୁବନେଶ୍ୱର , ୨୧/୧୧/୨୦୨୨- ପଦ୍ମପୁର ଉପନିର୍ବାଚନ ରଣାଙ୍ଗନରେ ଲଢିବେ ୧୦ ପ୍ରାର୍ଥୀ । ସୋମବାର ପ୍ରାର୍ଥୀ ପତ୍ର ପ୍ରତ୍ୟାହାରର ଶେଷ ଦିବସରେ ୩ ଜଣ ପ୍ରାର୍ଥୀ ନିର୍ବାଚନ ପ୍ରତିଦ୍ୱନ୍ଦିତାରୁ ବାଦ୍ ପଡିଛନ୍ତି । ଏହି ଉପନିର୍ବାଚନରେ ୧୩ ଜଣ ନାମାଙ୍କନ ଦାଖଲ କରିଥିଲେ । ଯାଞ୍ଚ ବେଳେ ୨ ଜଣଙ୍କ ପ୍ରାର୍ଥୀ ପତ୍ର ନାକଚ ହୋଇଛି । ଆଜି ଜଣେ ପ୍ରାର୍ଥୀ ପ୍ରତ୍ୟାହାର କରିଛନ୍ତି । ସେପଟେ ନିର୍ବାଚନକୁ ଶାନ୍ତି ଶୃଙ୍ଖଳାର ସହ ସମାପନ ନେଇ ବିଶେଷ ବ୍ୟବସ୍ଥା କରାଯାଇଛି । ଏଠାରେ ୨ ଲକ୍ଷ ୫୭ ହଜାର ଭୋଟରଙ୍କ ପାଇଁ ୩୧୯ ମତଦାନ କେନ୍ଦ୍ରରେ ଭୋଟ ଦେବା ବ୍ୟବସ୍ଥା ହୋଇଛି ।
କିଛି ମତଦାନ କେନ୍ଦ୍ରର ନା ପରିବର୍ତ୍ତନ ହୋଇଥିଲେ ବି ସ୍ଥାନ ସମାନ ରହିଛି । ତେଣୁ ପୂର୍ବରୁ ଯେଉଁଠି ଭୋଟ ଦେଇଥିଲେ ସେହି ସ୍ଥାନରେ ଭୋଟ ଦେବେ ଭୋଟର । ଏଥର ୮୦ ବର୍ଷରୁ ଉର୍ଦ୍ଧ୍ବ ଓ ଦିବ୍ୟାଙ୍ଗ ଭୋଟରଙ୍କ ପାଇଁ ପୋଷ୍ଟାଲ ବାଲଟ କରାଯାଇଛି । ସେହିଭଳି ବେଆଇନ ଭାବେ ଲାଗିଥିବା ୨୦୫୮ ପୋଷ୍ଟର ବ୍ୟାନର କଢ଼ା ଯିବା ସହ ୧୦୪ ଜଣଙ୍କ ଏନବିଡବ୍ଲୟୁ ବାହାର କରାଯାଇଛି । ସେହିଭଳି ଅବକାରୀ ବିଭାଗ ପକ୍ଷରୁ ୧୧୪ ମାମଲା ରୁଜୁ କରାଯାଇ ୭୪ ଜଣଙ୍କୁ ଗିରଫ କରାଯାଇଛି । ୬୦ ଲକ୍ଷ ଟଙ୍କାର ସମ୍ପତ୍ତି ଜବତ କରାଯାଇଛି । ନିର୍ବାଚନ ଦିନକୁ ଛୁଟି ଘୋଷଣା କରାଯାଇ ଥିଲେ ବି ଦରମା ମିଳିବ । ଆଇନ ଶୃଙ୍ଖଳା ପାଇଁ ମୋଟ ୪୧ ପ୍ଲାଟୁନ ଫୋର୍ସ ମୁତୟନ କରାଯିବ ।
