ଦୁବାଇ: ଆଜି ଅଷ୍ଟ୍ରେଲିଆ ସହ ସେମିଫାଇନାଲ ଟକ୍କର । ୨୦୨୩ ଦିନିକିଆ ବିଶ୍ବକପ୍ ବଦ୍ଲା ଅପେକ୍ଷାରେ ଭାରତ। ଆଇସିସି ଚାମ୍ପିଅନ୍ସ ଟ୍ରଫି ଟୁର୍ଣ୍ଣାମେଣ୍ଟ ଲିଗର ଅନ୍ତିମ ମୁକାବିଲାରେ ନ୍ୟୁଜିଲାଣ୍ଡକୁ ଚେକ୍ ଦେଇ ଅପରାଜେୟ ରହିଛି ଟିମ୍ ଇଣ୍ଡିଆ । ଦୁବାଇର ମନ୍ଥର ପିଚରେ ନ୍ୟୁଜିଲାଣ୍ଡ ଭଳି କଙ୍ଗାରୁ ଦଳରୁ ଫସାଇବାକୁ ରଣନୀତି ପ୍ରସ୍ତୁତ କରିଛି ରୋହିତ୍ ସେନା । ଚାମ୍ପିୟନ୍ସ ଟ୍ରଫିର ଗ୍ରୁପ ପର୍ଯ୍ୟାୟର ଶେଷ ମ୍ୟାଚ୍ରେ ନ୍ୟୁଜିଲାଣ୍ଡକୁ ମାତ୍ ଦେଇ ଭାରତ ନିଜ ଗ୍ରୁପ ପଏଣ୍ଟ୍ ଟେବୁଲ ଟପ୍ପର ହୋଇଛି । ଏହାପରେ ଭାରତକୁ ପୁଣି ଥରେ ଅଗ୍ନି ପରୀକ୍ଷା ଦେବାଭଳି ମ୍ୟାଚ୍ ଖେଳିବାକୁ ହେବ । କାରଣ ସେମିରେ ଭାରତ ଅଷ୍ଟ୍ରେଲିଆକୁ ଆଜି ଭେଟିବ । ଅନ୍ୟପଟେ ଦ୍ବିତୀୟ ସେମିରେ ମୁହାଁମୁହିଁ ହେବେ ଦକ୍ଷିଣ ଆଫ୍ରିକା ଓ ନ୍ୟୁଜିଲାଣ୍ଡ ଟିମ୍ । ମାର୍ଚ୍ଚ ୯ ତାରିଖରେ ଖେଳାଯିବ ଫାଇନାଲ୍ ମ୍ୟାଚ୍ ।
