ନୂଆଦିଲ୍ଲୀ() ଉତ୍ତର ପ୍ରଦେଶର ଲକ୍ଷ୍ନୌରେ ପ୍ରେମିକାଙ୍କୁ ଦେଖା କରିବାକୁ ଯାଇ ଗଭୀର କୂଅରେ ଖସି ପଡ଼ିଥିଲେ ପ୍ରେମିକ। ଚିତ୍କାର ଶୁଣି ଉକ୍ତ ସ୍ଥାନ ଦେଇ ଯାଉଥିବା ପୁଲିସ କୂଅ ଭିତରୁ ଉକ୍ତ ଯୁବକଙ୍କୁ ଉଦ୍ଧାର କରିଥିଲା। । ଉଦ୍ଧାର ପରେ କିଛି ପ୍ରାଥମିକ ଚିକିତ୍ସା ପରେ ଯୁବକ ଜଣକ ସୁସ୍ଥ ଅଛନ୍ତି।
ଉତ୍ତର ପ୍ରଦେଶର ଲକ୍ଷ୍ନୌର ବିଜନୋରରେ ବସବାସ କରୁଥିବା ଜଣେ ଯୁବକ ଗତ ରବିବାର ରାତିରେ ନିଜ ପ୍ରେମିକାଙ୍କୁ ଦେଖା କରିବାକୁ ମାତୀଗାଁଓ ଯାଇଥିଲେ। ରାତି ହୋଇଯାଇଥିବାରୁ ସେ ଯେଉଁ ରାସ୍ତା ଦେଇ ଯାଉଥିଲେ ସେଠାରେ ଏକ ଗଭୀର କୂଅ ଥିବା ଜାଣି ନଥିଲେ। ଫଳରେ ପ୍ରେମିକ କୂଅ ଭିତରେ ଗଳି ପଡିଥିଲେ । ଏହାପରେ ସେ ଜୋରରେ ପାଟି କରିଥିଲେ ।
ଏହି ସମୟରେ ସେହି ରାସ୍ତାରେ ପାଟ୍ରୋଲିଂ କରୁଥିବା ପୁଲିସ ଉକ୍ତ ଯୁବକଙ୍କ ପାଟି ଶୁଣିଥିଲା। ଏହାପରେ ଛାନଭିନ୍ ଆରମ୍ଭ କରିଥିଲା । କୂଅ ଭିତରୁ ଶବ୍ଦ ଆସୁଥିବା ପୁଲିସ ଜାଣିବା ପରେ ଖୋଜାଖୋଜି ଆରମ୍ଭ କରିଥିଲା । ପୁଲିସ ଗାଁ ଲୋକଙ୍କ ସାହାଯ୍ୟରେ ପ୍ରେମିକଙ୍କୁ କୂଅରୁ ଉଦ୍ଧାର କରିଥିଲା ।
