ପୁରୀ() ପୁରୀ ଗଜପତି ମହାରାଜା ତଥା ଶ୍ରୀମନ୍ଦିର ପରିଚାଳନା କମିଟିର ସ୍ଥାୟୀ ସଭାପତି ଦିବ୍ୟସିଂହ ଦେବଙ୍କ କନ୍ୟା ରାଜକୁମାରୀ ଦେବେଶୀ ହରିଆନାର ଗୁରୁଗାଓଁ ନିବାସୀ ରାଜୀବ କେହେରୀଙ୍କ ପୁଅ କୁମାର ଆଦିତ୍ୟଙ୍କ ସହ ବିବାହ ବନ୍ଧନରେ ବାନ୍ଧି ହେବେ । ପଶ୍ଚିମବଙ୍ଗ ବର୍ଦ୍ଧମାନର ମୂଳ ନିବାସୀ ବରପକ୍ଷ ପରିବାର ବର୍ତ୍ତମାନ ହରିଆନାର ଗୁରୁଗାଓଁରେ ରହୁଛନ୍ତି । ଫେବ୍ରୁଆରି ୯ ଅର୍ଥାତ୍ ଆଜି ବିବାହ ଅନୁଷ୍ଠିତ ହେବ ।
କରେନା କଟକଣା ଯୋଗୁ ନିରାଡ଼ମ୍ବର ସହକାରେ ବିବାହ ଉତ୍ସବ ହେବ । ବିବାହ ଉତ୍ସବକୁ ବଛା ବଛା ମାନ୍ୟଗଣ ଅତିଥିଙ୍କୁ ନିମନ୍ତ୍ରଣ କରାଯିବ । ଭୁବନେଶ୍ୱରର ମେ’ ଫେୟାର ହୋଟେଲରେ ରାଜକୁମାରୀଙ୍କ ବିବାହ ଉତ୍ସବ ଅନୁଷ୍ଠିତ ହେବ । ବିବାହ ଉତ୍ସବର ସମସ୍ତ ପ୍ରସ୍ତୁତି ଶେଷ ହୋଇଥିବାର ଶ୍ରୀନଅର ସୂତ୍ରରୁ ଜଣାପଡ଼ିଛି । ସେହିଦିନ ହିଁ ପୁରୀ ଶ୍ରୀନଅର ଠାରେ କୋଭିଡ୍ ମାର୍ଗଦର୍ଶିକା ପାଳନ ସହ ସୀମିତ ସେବକ ତଥା ଅତିଥିଙ୍କ ଏକ ଆଶୀର୍ବାଦ ସମାବେଶ ହେବ ବୋଲି ସୂଚନା ମିଳିଛି ।
