ନୂଆଦିଲ୍ଲୀ() ବଢ଼ୁଥୀବା ଦରଦାମ୍ ମଧ୍ୟରେ ସାଧାରଣ ଜନତାଙ୍କୁ ପୁଣିଥରେ ବଡ଼ ଝଟକା ଲାଗିବାକୁ ଯାଉଛି । ପେଟ୍ରୋଲ ଓ ଡିଜେଲ ପରେ ଏବେ ରୋଷେଇ ଗ୍ୟାସ୍ ଉପଭୋକ୍ତାଙ୍କୁ ପଡ଼ିବ ମହଙ୍ଗା ମାଡ଼ । ଅପ୍ରେଲରୁ ଖାଦ୍ୟ ରୋଷେଇ କରିବା ଆହୁରି ମହଙ୍ଗା ହୋଇପାରେ । ସମଗ୍ର ବିଶ୍ୱରେ ଗ୍ୟାସର ବହୁତ ଅଭାବ ଦେଖାଦେଇଛି ଓ ଏପ୍ରିଲ ମାସରୁ ଏହାର ପ୍ରଭାବ ଭାରତ ଉପରେ ମଧ୍ୟ ଦେଖିବାକୁ ମିଳିପାରେ, ଯେଉଁ କାରଣରୁ ଏଠାରେ ଗ୍ୟାସର ମୂଲ୍ୟ ମଧ୍ୟ ଦ୍ୱିଗୁଣିତ ହୋଇପାରେ ।
ୟୁରୋପକୁ ଗ୍ୟାସ୍ ସପ୍ଲାଏ କରିବାର ବଡ଼ ଉତ୍ସ ହେଉଛି ଋଷ । ଅର୍ଥାତ୍ ୟୁକ୍ରେନ ସଙ୍କଟ ଯୋଗୁଁ ଏହା ଉପରେ ପ୍ରଭାବ ପଡ଼ିପାରେ । କରୋନା ମହାମାରୀର ପ୍ରକୋପରୁ ବିଶ୍ୱର ଅର୍ଥନୀତି ଅବଶ୍ୟ ସୁଧୁରିଛି, କିନ୍ତୁ ଶକ୍ତିର ଚାହିଦା ବୃଦ୍ଧି ଯୋଗୁଁ ଏହାର ଯୋଗାର ହ୍ରାସ ଘଟିଛି । ଏହି କାରଣ ଯୋଗୁଁ ଗ୍ୟାସ ଦର ବୃଦ୍ଧି ପାଇଛି ।
