ନୂଆଦିଲ୍ଲୀ() ହସ୍ପିଟାଲରେ ଭର୍ତ୍ତି ହେଲେ ନୱାବ ମଲିକ୍ । ଏନସିପି ନେତା ନୱାବ ମଲିକଙ୍କୁ ୮ ଦିନିଆ ଇଡି ରିମାଣ୍ଡରେ ପଠା ଯାଇଥିବା ବେଳେ ଅସୁସ୍ଥତା ପାଇଁ ତାଙ୍କୁ ଜେଜେ ହସ୍ପିଟାଲରେ ଭର୍ତ୍ତି କରାଯାଇଛି । ଅର୍ଥ ହେରଫେର ଏବଂ ଦାଉଦ ଇବ୍ରାହିମ ପରି ଆତଙ୍କୀଙ୍କୁ ଅର୍ଥ ଯୋଗାଣ ଅଭିଯୋଗରେ ଇଡି ପକ୍ଷରୁ ମଲିକଙ୍କୁ ଗିରଫ କରାଯାଇଥିଲା । ରୁଟିନ୍ ଚେକ୍ ଅପ୍ ପାଇଁ ମଲିକଙ୍କୁ ଡାକ୍ତରଖାନା ନିଆଯାଇଥିବା ବେଳେ ସେଠାରେ ତାଙ୍କୁ ଜେଜେ ହସ୍ପିଟାଲରେ ଭର୍ତ୍ତି କରାଯାଇଛି । ଡାକ୍ତରଙ୍କ ପରାମର୍ଶ କ୍ରମେ ମଲିକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ବାସ୍ତବରେ କଣ ହୋଇଛି ସେ ସମ୍ପର୍କରେ କୌଣସି ସୂଚନା ମିଳିନାହିଁ । ଆଧିକାରିକ ଭାବରେ କୌଣସି ସୂଚନା ଦିଆଯାଇନଥିବା ବେଳେ ମଲିକଙ୍କ ପେଟ ଖରାପ ଥିବା ଅନୁମାନ କରାଯାଇଛି ।
