ନୂଆଦିଲ୍ଲୀ : କରୋନାର ତୃତୀୟ ଲହର ଓମିକ୍ରନ୍ ପ୍ରକୋପ କମିବାରେ ଲାଗିଛି । କରୋନା ପ୍ରକୋପ କମିବା ପରେ କାର୍ଯ୍ୟାଳୟ ଏବଂ ବିଦ୍ୟାଳୟଗୁଡ଼ିକ ଖୋଲିବା ଆରମ୍ଭ କରିଲାଣି । ତେବେ ଲୋକମାନେ ପୂର୍ବ ପରି ଅସାବଧାନତା ରହୁଥିବା ଦେଖିବାକୁ ମିଳୁଛି । ଏହା ଭିତରେ ଦେଖାଦେଲାଣି କରୋନାର ଚତୁର୍ଥ ଲହର ଭୟ ।
ଓମିକ୍ରନ୍ ଶେଷ ପ୍ରକାର ନୁହେଁ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ ପୂର୍ବରୁ ଚେତାବନୀ ଦେଇଛି । ଆଗକୁ ମଧ୍ୟ ପରବର୍ତ୍ତୀ ଭାରିଆଣ୍ଟଗୁଡିକ ଅଧିକ ବିପଜ୍ଜନକ ହୋଇପାରେ ବୋଲି କୁହାଯାଉଛି । ଏବେ ଆଗକୁ ଆସୁଥିବା ଚତୁର୍ଥ ଲହର କେତେ ବିପଜ୍ଜନକ ହୋଇପାରେ ତାହା ବର୍ତ୍ତମାନ ବିଶେଷଜ୍ଞମାନେ କହିଛନ୍ତି । କୋଭିଡର ପରବର୍ତ୍ତୀ ଲହର ଆଲଫା କିମ୍ବା ଡେଲଟାଠାରୁ ଭୟଙ୍କର ହୋଇପାରେ ।
ଏହାପୂର୍ବରୁ, ଆଇଆଇଟି କାନପୁରର ବୈଜ୍ଞାନିକମାନେ ଗଣନା କରିଛନ୍ତି ଯେ କରୋନାର ପରବର୍ତ୍ତୀ ଲହର ମେ ଏବଂ ଜୁନ୍ ମଧ୍ୟରେ ଆସିବ । ବୈଜ୍ଞାନିକମାନେ ଏହା ମଧ୍ୟ କହିଛନ୍ତି ଯେ କରୋନା ଆମ ମଧ୍ୟରେ ରହିଛି । ଏହାର ପ୍ରକାରଗୁଡ଼ିକ ଆସିବ ଆଉ ଯିବ ।
ବର୍ତ୍ତମାନ ଏଡିନବର୍ଗ ବିଶ୍ୱବିଦ୍ୟାଳୟରୁ ଭୂତାଣୁଙ୍କ ବିବର୍ତ୍ତନକୁ ଅଧ୍ୟୟନ କରୁଥିବା ବୈଜ୍ଞାନିକ ଆଣ୍ଡ୍ରିୟୁ ରାମବାଟ୍ କହିଛନ୍ତି ଯେ ଚତୁର୍ଥ ଲହରରେ ଥିବା କରୋନା ଡେଲ୍ଟା କିମ୍ବା ଆଲଫା ପ୍ରଜାତିର ଅଟେ । ସେ କହିଛନ୍ତି ଯେ ଓମିକ୍ରନକୁ ଅତିକ୍ରମ କରିବା ପାଇଁ ଏହାର ପ୍ରତିରକ୍ଷା ପ୍ରଣାଳୀରେ ପ୍ରବେଶ କରିବାର ଯଥେଷ୍ଟ କ୍ଷମତା ଥାଇପାରେ ।
