ନୂଆଦିଲ୍ଲୀ () ଆଇପିଏଲ-୨୦୨୨ରେ କୋଲକାତା ନାଇଟ ରାଇଡର୍ସର ଦ୍ରୁତ ବୋଲର ଉମେଶ ଯାଦବ ଦମଦାର ଫର୍ମରେ ଅଛନ୍ତି । ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ସେ ନିଜର ଜଲଓ୍ୱା ଦେଖାଇଥିଲେ । ଦ୍ୱିତୀୟ ମୁକାବିଲାରେ ମଧ୍ୟ ସେ କୋଲକାତା ବ୍ୟାଟରଙ୍କୁ ଅଡୁଆରେ ପକାଇଥିଲେ ।
ବୁଧବାର ଖେଳାଯାଇଥିବା ମୁକାବିଲାରେ କେକେଆର ପ୍ରଥମେ ବ୍ୟାଟିଂ କରି ୧୨୮ ରନ୍ କରିଥିଲା । କିନ୍ତୁ ଉମେଶ ଯାଦବଙ୍କ ବୋଲିଂ ପାଇଁ ବେଙ୍ଗାଲୁରୁ ସହଜରେ ବିଜୟଲାଭ କରିପାରିନଥିଲା । ଦଳକୁ ଶେଷ ଓଭର ଯାଏଁ ଅପେକ୍ଷା କରିବାକୁ ପଡିଥିଲା । ଏହାସହ ଟିମ୍ ୭ଟି ଓ୍ୱିକେଟ୍ ମଧ୍ୟ ହରାଇଥିଲା ।
ସେହିପରି ଚେନ୍ନାଇ ବିପକ୍ଷ ମୁକାବିଲାରେ ଉମେଶ ୨୦ ରନ୍ ବ୍ୟୟ କରି ଦୁଇଟି ଓ୍ୱିକେଟ୍ ନେଇଥିଲେ । ଦଳ ଚେନ୍ନାଇକୁ ମଧ୍ୟ କମ୍ ସ୍କୋରରେ ଅଟକାଇଥିଲା । ଉମେଶଙ୍କୁ ଏହି ମୁକାବିଲାରେ ମ୍ୟାନ୍ ଅଫ୍ ଦି ମ୍ୟାଚ୍ ପୁରସ୍କାର ମିଳିଥିଲା ।
ଆଇପିଏଲ ଇତିହାସରେ ପାଓ୍ୱାର ପ୍ଲେରେ ସବୁଠାରୁ ଅଧିକ ଓ୍ୱିକେଟ୍ ନେଇଥିବା ବୋଲର ତାଲିକାରେ ଉମେଶ ଯାଦବ ଚତୁର୍ଥ ନମ୍ବରରେ ଅଛନ୍ତି । ସେ ୪୯ଟି ଓ୍ୱିକେଟ୍ ନେଇଛନ୍ତି । ୫୦ଟି ଓ୍ୱିକେଟ୍ ନେବା ରେକର୍ଡଠୁ ସେ ମାତ୍ର ଗୋଟିଏ ପାଦ ପଛରେ ଅଛନ୍ତି ।
ପାଓ୍ୱାର ପ୍ଲେରେ ସବୁଠୁ ଅଧିକ ଓ୍ୱିକେଟ୍
୫୩-ସନ୍ଦୀପ ଶର୍ମା
୫୨-ଜାହିର ଖାନ
୫୨-ଭୁବନେଶ୍ୱର କୁମାର
୪୯- ଉମେଶ ଯାଦବ
୪୪-ଧବଳ କୁଲକର୍ଣ୍ଣୀ
