ମୁମ୍ୱାଇ () ବାହୁବଳୀ ଓ ବାହୁବଳୀ ୨ରେ ଭଲ୍ଲାଲଦେବ ଭୂମିକାରେ ଅଭିନୟ କରିଥିବା ଅଭିନେତା ରାଣା ଡଗ୍ଗୁବତୀ ଏସ.ଏସ. ରାଜମୌଲିଙ୍କ ଫିଲ୍ମ ‘RRR’ କୁ ଭରପୁର ତାରିଫ କରିଛନ୍ତି । ଡଗ୍ଗୁବତୀ ରାଜମୌଲିଙ୍କୁ ପ୍ରଶଂସା କରି କହିଛଛନ୍ତି ସେ ‘ୱାନ ଇଣ୍ଡିଆ ଓ ୱାନ ସିନେମା’ର ସ୍ୱପ୍ନ ପୁରଣ କରିଛନ୍ତି । ସୂଚନା ଥାଉକି ପ୍ରଭାସଙ୍କ ଅଭିନିତ ଫିଲ୍ମ ବାହୁବଳୀ ଓ ବାହୁବଳୀ-୨ ରେ ରାଜମୌଲି ନିର୍ଦ୍ଦେଶନା ଦେଇଥିଲେ ଯେଉଁଥିରେ ରାଣା ଡଗ୍ଗୁବତୀ ଭଲ୍ଲାଲ ଦେବ ଭୂମିକାରେ ନଜର ଆସିଥିଲେ। ଏହି ଫିଲ୍ମବି ବ୍ଲକ ବଷ୍ଟରରେ ହିଟ୍ ହେବା ସହିତ ବହୁତ ଲୋକପ୍ରିୟ ହୋଇଥିଲା ।
ଫିଲ୍ମ RRR ଆୟ ଏବେ ସୁଦ୍ଧା ସମ୍ପୂର୍ଣ୍ଣ ଭାବେ ହଜାରେ କୋଟି ପାର୍ କରିସାରିଛି ଓ ଡଗ୍ଗୁବତୀ ଫିଲ୍ମର ହଜାରେ କୋଟି ଟଙ୍କାର ଆୟ ପାର କରିଥିବା ପୋଷ୍ଟର ମଧ୍ୟ ସୋସିଆଲ ମିଡିଆରେ ସେୟାର କରି ରାଜମୌଲିଙ୍କୁ ଶୁଭକାମନା ଦେଇଛନ୍ତି । ରାଣା ଡଗ୍ଗୁବତୀ ଲେଖିଛନ୍ତି ୱାନ ଇଣ୍ଡିଆ ୱାନ ସିନେମା ବାସ୍ ଏକ ସ୍ୱପ୍ନ ଥିଲା ଯେତେ ପର୍ଯ୍ୟନ୍ତ ଜଣେ ମଣିଷ ଆଗକୁ ଆସି ଦେଖାଇ ନଥିଲା ଏହାକୁ ଏହିପରି କରାଯାଏ।
“ONE INDIA ONE CINEMA” was a wishful dream till one man came along and said this is what it looks like!! Capitan you’ve done it again!!🔥🔥🔥🔥 @ssrajamouli and team #RRR. I salute you!! @tarak9999 @AlwaysRamCharan pic.twitter.com/JGR1zOsDLP
— Rana Daggubati (@RanaDaggubati) April 10, 2022
ଡଗ୍ଗୁବତୀ ଫିଲ୍ମର ପୋଷ୍ଟରକୁ ସେୟାର କରି କହିଛନ୍ତି “କ୍ୟାପଟେନ ପୁଣିଥରେ ଆପଣ କରି ଦେଖାଇଲେ। ରାଜମୌଲି ଓ ତାଙ୍କ ଫିଲ୍ମ RRRର ସମସ୍ତ ସଦସ୍ୟଙ୍କୁ ସଲାମ କରୁଛି’’। ରାଣାଙ୍କ ଟୁଇଟ୍ ପରେ ଅନେକ ଲୋକ ତାଙ୍କୁ ସପୋର୍ଟ କରିବା ଭଲ ଭଲ କମେଣ୍ଟ ମଧ୍ୟ କରିଛନ୍ତି । ରାଜମୌଲିଙ୍କ ଫିଲ୍ମ ବାହୁବଳୀ ବକ୍ସ ଅଫିସରେ ହିଟ୍ ହେବା ସହିତ ବାହୁବଳୀ-୨ ମଧ୍ୟ ପାଖାପାଖି ୨୦୦୦ କୋଟି ଟଙ୍କା ଆୟ କରିଥିଲା ।
ଏବେବି ଭାରତୀୟ ବକ୍ସ ଅଫିସରେ ‘RRR’ ର ଲୋକ ପ୍ରିୟତା କାଏମ ରହିଛି। ଏଥିରେ ଜୁନିଅର ଏନଟିଆର, ରାମ ଚରଣ, ଅଜୟ ଦେବଗନ, ଓ ଆଲିଆ ଭଟ୍ଟଙ୍କ ଭଳି ଅନେକ ପ୍ରମୁଖ କଳାକରମାନେ ଅଭିନୟ କରିଛନ୍ତି। ଦକ୍ଷିଣ ଭାରତରେ ଏହି ଚଳଚ୍ଚିତ୍ର ଭରପୁର ଆୟ କରିବା ସହିତ ଉତ୍ତରଭାରତରେ ମଧ୍ୟ ଜବରଦସ୍ତ ଆୟ କରିବାରେ ସଫଳ ହୋଇଛି । ଏଥିରେ ଜବରଦସ୍ତ ଆକ୍ସନ ସିନ୍ ମଧ୍ୟ ରହିଛି ଯାହାକୁ ଦର୍ଶମାନେ ଖୁବ ପସନ୍ଦ କରିଛନ୍ତି।
