ଭୁବନେଶ୍ୱର() ଡେମୋ ଦେଖାଇଲେ ବାଂଲାଦେଶୀ ATM ଲୁଟେରା । ଭୁବନେଶ୍ବର ଲିଙ୍ଗିପୁର ଏଟିଏମ୍ ତାଡ଼ି ନେବା ଘଟଣାରେ ୨ ଗିରଫ ଅଭିଯୁକ୍ତଙ୍କୁ ଧରି ଘଟଣାସ୍ଥଳରେ ଡେମୋ କରିଛି କମିଶନରେଟ୍ ପୋଲିସ । କେମିତି ଏଟିଏମ୍ ତାଡିଲେ, କେଉଁ ସ୍ଥାନରୁ ଏଥିରେ ଥିବା ଟଙ୍କା କାଢିଲେ ସେ ସବୁର ଡେମୋ ଦେଖାଇଛନ୍ତି ୨ ବାଂଲାଦେଶୀ ଲୁଟେରା। ଲୁଟେରା ଦୟାନଦୀ କୂଳରେ ଏଟିଏମ ବାକ୍ସ ଭାଙ୍ଗି ସେଥିରେ ଥିବା ଟଙ୍କା ନେଇ ଯାଇଥିବା କହିଛନ୍ତି।
ଏପଟେ ଗିରଫ ଅଭିଯୁକ୍ତଙ୍କ ତଥ୍ୟ ଆଧାରରେ, ପୋଲିସ ଦୟାନଦୀ କୂଳରୁ ୨ ଟି ଶାବଳ ଜବତ କରିଛି। ମିଶନ୍ ଇମ୍ ପସିବୁଲ୍ ରେ ସ୍ପେଶାଲ ସ୍କ୍ବାଡ ବାଙ୍ଗାଲୋରରୁ ୨ ଆନ୍ତଃରାଜ୍ୟ ଏଟିଏମ୍ ଲୁଟେରାଙ୍କୁ ଗିରଫ କରିବାରେ ସକ୍ଷମ ହୋଇଛି। ଗିରଫ ୨ ଏଟିଏମ୍ ଲୁଟେରା ହେଲେ ବାଲାଂଦେଶର ଖୋକନ ମୁଲ୍ଲା ଓ ମିରାଜୁନ ମେହବାନ ମୁଲ୍ଲା। ଘଟଣାରେ ସଂପୃକ୍ତ ଅନ୍ୟ ଅଭିଯୁକ୍ତଙ୍କୁ ଧରିବାକୁ ପୋଲିସ ଛାନଭିନ୍ ଚଳାଇଛି।
ଗତ ୫ ତାରିଖରେ ଶିଶୁପାଳଗଡ଼ ଲିଙ୍ଗିପୁରସ୍ଥିତ SBI ଏଟିଏମ୍ ତାଡ଼ିନେଇଥିଲେ ଦୁର୍ବୃତ୍ତ। ଏଟିଏମ୍ ବକ୍ସରୁ ଟଙ୍କା ଖାଲି କରି ଦୟା ନଦୀ କୂଳରେ ଫୋପାଡି ଦେଇଥିଲେ ବାଂଲାଦେଶୀ ଲୁଟେରା।
