ନିଜକୁ ନିଜ ବିବାହ କରିବେ ଯୁବତୀ; ସମସ୍ତ ରୀତିନୀତିରେ କରିବେ ବିବାହ, ସୋସିଆଲ ମିଡିଆରେ ଖବର ଭାଇରାଲ

ଗୁଜୁରାଟ: ବିବାହ ହେଉଛି ଜୀବନର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ । ଲୋକମାନେ ଏହି ମୁହୂର୍ତ୍ତ ପାଇଁ ବହୁତ ଉତ୍ସାହର ସହିତ ଅପେକ୍ଷା କରନ୍ତି । ଆଜିକାଲି ସମଲିଙ୍ଗୀ ବିବାହ ଏବଂ ଲେସବିୟାନ୍ ଦମ୍ପତିମାନେ ମଧ୍ୟ ନିଜ ପସନ୍ଦ ଅନୁଯାୟୀ ବିବାହ କରୁଛନ୍ତି, କିନ୍ତୁ ଗୁଜୁରାଟର ଜଣେ 24 ବର୍ଷୀୟା ଝିଅ ନିଜକୁ ବିବାହ କରିବାକୁ ଯାଉଛନ୍ତି । ଯାହା ଶୁଣି ଆପଣମାନେ ଆଶ୍ଚର୍ଯ୍ୟ ହୋଇଯିବେ । ବର୍ତ୍ତମାନ ଏହି ଖବର ପରେ ସୋସିଆଲ ମିଡିଆରେ ଆତଙ୍କ ଖେଳିଯାଇଛି । ଲୋକମାନେ ଏହି ଝିଅ ବିଷୟରେ ଜାଣିବାକୁ ବହୁତ ଆଗ୍ରହୀ ହୋଇଛନ୍ତି ।

ଏ ହେଉଛନ୍ତି ଗୁଜୁରାଟର ବାସିନ୍ଦା କ୍ଷମା ବିନ୍ଦୁ  । ସେ ନିଜକୁ ଭଲ ପାଆନ୍ତି । ସେଥିପାଇଁ ସେ ନିଜକୁ ବିବାହ କରିବାକୁ ଚାହୁଁଛନ୍ତି । ଏହା ଶୁଣିବା ଅଜବ ଲାଗୁଥାଇପାରେ, କିନ୍ତୁ ଏହା ସତ୍ୟ । ଏହି ବିବାହରେ ସେ ନିଜେ ବର ହେବା ସହ କନ୍ୟା ମଧ୍ୟ ହେବେ । ଏହା ସହ ବିବାହର ସମସ୍ତ ରୀତିନୀତି ମଧ୍ୟ ପାଳନ କରାଯିବ । ଆହୁରି ମଧ୍ୟ, ହନିମୁନ୍ ପାଇଁ ମଧ୍ୟ ବାହାରକୁ ଯିବେ । ଏହାକୁ ଦେଶର ପ୍ରଥମ ଆତ୍ମ-ବିବାହ କିମ୍ବା ଏକକ ବିବାହ ବୋଲି କୁହାଯାଉଛି ।