ନୂଆଦିଲ୍ଲୀ: ତୃତୀୟ ଦିନ ଇଡିରେ ହାଜର ହେଲେ ରାହୁଲ ଗାନ୍ଧୀ । ଯାହାର ପ୍ରତିବାଦରେ ଇଡି ଅଫିସ ସାମନାରେ ଉଗ୍ରରୂପ ଦେଖାଇଲେ ପ୍ରଦର୍ଶନକାରୀ । ରାହୁଲଙ୍କୁ ସମର୍ଥନ ଜଣାଇ ଟାୟାର ଜାଳିଲେ କଂଗ୍ରେସ କର୍ମୀ । ପୋଲିସ ଘଟଣାସ୍ଥଳରୁ ବିକ୍ଷୋଭକାରୀଙ୍କୁ ଉଠାଇ ନେଇଛି । ନ୍ୟାଶନାଲ ହେରାଲ୍ଡ ଅର୍ଥ ହେରଫେର ମାମଲାରେ ଆଜି ତୃତୀୟ ଦିନ ଜେରା ପାଇଁ ଭଉଣୀ ପ୍ରିୟଙ୍କା ଗାନ୍ଧୀଙ୍କ ସହ ଇଡି ଅଫିସରେ ପହଞ୍ଚିଛନ୍ତି ରାହୁଲ ।
ରାହୁଲଙ୍କ ସମର୍ଥନରେ କଂଗ୍ରେସ ଅଫିସ ମୁଖ୍ୟାଳୟ ବାହାରେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ଓ ବରିଷ୍ଠ ନେତା କେସି ବେଣୁଗୋପାଳ ବିରୋଧ ପ୍ରଦର୍ଶନ କରୁଛନ୍ତି । ଦେଶରେ ଗୁଣ୍ଡାରାଜ ଚଲାଇଛି ପୋଲିସ । ଭାରତ ଇତିହାସରେ ଏପରି ଗୁଣ୍ଡାରାଜ ପ୍ରଥମ ଥର ଦେଖିବାକୁ ମିଳିଛି ବୋଲି କହିଛନ୍ତି କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀ ।
ଗତ ସୋମବାରରୁ ୨୦ ଘଣ୍ଟା ଧରି ରାହୁଲଙ୍କୁ ପଚରାଉଚୁରା କରୁଛି ଇଡି । ପିଏମଏଲଏ ଆକ୍ଟ ଅନୁସାରେ ରାହୁଲଙ୍କୁ ଜେରା ଚାଲିଛି । ପିଏମଏଲଏର ଧାରା ୫୦ ଅନୁସାରେ ଇଡି ରାହୁଲଙ୍କ ଠାରୁ ଲିଖିତ ରିପୋର୍ଟ ମଧ୍ୟ ଗ୍ରହଣ କରିଛି । ଏହି ମାମଲାରେ କଂଗ୍ରେସର ବରିଷ୍ଠ ନେତା ମଲିକ୍କାର୍ଜୁନ ଖଡଗେ ଓ ପୱନ ବଂଶଲଙ୍କୁ ଇଡି ଜେରା କରିଥିଲା। ଜୁନ ୨୩ରେ ସୋନିଆ ଗାନ୍ଧୀଙ୍କୁ ଜେରା ପାଇଁ ସମନ ଜାରି କରିଛି ଇଡି । କିନ୍ତୁ କୋରୋନା ସ୍ବାସ୍ଥ୍ୟଗତ ସମସ୍ୟା କାରଣରୁ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
