ମୁମ୍ବାଇ: ଜାହ୍ନବୀ କପୁର ତାଙ୍କ ଫିଲ୍ମ ‘ଗୁଡ ଲକ୍ ଜେରୀ’ ଘୋଷଣା କରିବା ଦିନଠାରୁ ପ୍ରଶଂସକମାନେ ଫିଲ୍ମର ଫାଷ୍ଟ ଲୁକ୍ ଏବଂ ରିଲିଜ୍ ତାରିଖକୁ ଅପେକ୍ଷା କରି ରହିଥିଲେ। ବର୍ତ୍ତମାନ ଅପେକ୍ଷା ଶେଷ ହୋଇଛି । ଆଜି ପ୍ରଶଂସକଙ୍କୁ ଏହି ଖୁସି ଖବର ଶୁଣାଇଛନ୍ତି। ଫିଲ୍ମର ଫାଷ୍ଟ ଲୁକ୍ ଏବଂ ରିଲିଜ୍ ଡେଟ୍କୁ ଘୋଷଣା କରିଛନ୍ତି। ‘ଗୁଞ୍ଜନ ସାକ୍ସେନା’ ପରେ ଅଭିନେତ୍ରୀଙ୍କୁ ‘ଗୁଡ୍ ଲକ୍ ଜେରୀ’ରେ ଦେଖିବାକୁ ମିଳିବ। ସବୁଠାରୁ ବଡ କଥା ହେଉଛି ଏହା ସିଧାସଳଖ OTT ରେ ରିଲିଜ୍ ହେବ। ନିର୍ମାତାମାନେ ଫିଲ୍ମର ଦୁଇଟି ଭିନ୍ନ ପୋଷ୍ଟର ରିଲିଜ କରିଛନ୍ତି।
ଜାହ୍ନବୀ କପୁରଙ୍କ ଫିଲ୍ମ ‘ଗୁଡ୍ ଲକ୍ ଜେରୀ’ ୨୯ଜୁଲାଇ ୨୦୨୨ରେ OTT ପ୍ଲାଟଫର୍ମ ହଟ୍ଷ୍ଟାର ଡିଜନିରେ ରିଲିଜ୍ ହେବ। ଏନେଇ ଜାହ୍ନବୀ ସୋସିଆଲ ମିଡିଆରେ ଫିଲ୍ମର ଦୁଇଟି ପୋଷ୍ଟର ରିଲିଜ କରିଛନ୍ତି। ପ୍ରଥମ ପୋଷ୍ଟରରେ, ଆପଣ ଦେଖିପାରିବେ ଯେ ଜାହ୍ନବୀ ଭୟଭୀତ ହୋଇ ହାତରେ ବନ୍ଧୁକ ଧରିଥିବା ବେଳେ ଦ୍ୱିତୀୟ ପୋଷ୍ଟରରେ ଏକ ବାକ୍ସ ପଛରେ ଲୁଚି ରହିଛନ୍ତି ।
View this post on Instagram
ପୋଷ୍ଟର ସେୟାର କରି କ୍ୟାପସନ ଲେଖିଛନ୍ତି, ‘ମୁଁ ସ୍ଥିର କରିଛି, ମୁଁ ଏକ ନୂଆ ଆଡଭେଞ୍ଚରସ୍ରେ ଅଛି, ଗୁଡ ଲକ୍ କହିବନି ? ଜୁଲାଇ ୨୯ରେ ଡିସ୍ନି ପ୍ଲସ୍ ହଟଷ୍ଟାରରେ ଷ୍ଟ୍ରିମ୍ ହେବ। ଏହି ସବୁକୁ ଦେଖିବା ପରେ ଉଭୟ ଜଣାପଡୁଛି କି ଫିଲ୍ମଟି ଅତ୍ୟନ୍ତ କୌତୁହଳପୂର୍ଣ୍ଣ ରହିଛି। ସିଦ୍ଧାର୍ଥ ସେନ୍ ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିବାବେଳେ ଏହି ଚଳଚ୍ଚିତ୍ରଟି ଆନନ୍ଦ ଏଲ୍ ରାୟ, ସୁବାସ୍କାରନ୍ ଏବଂ ମହାବୀର ଜୈନଙ୍କ ଦ୍ୱାରା ନିର୍ମାଣ କରାଯାଇଛି।
