ନୟାଗଡ: ନୟାଗଡ ରଣପୁର ବନ ବିଭାଗ ରେଞ୍ଜ ଅଧିନ ନାକିଠଣା ବିଟ୍ ହାଉସ ନିକଟରୁ ଉଦ୍ଧାର ହୋଇଛି ଅଜଗର ସାପ । ଯାହାର ଲମ୍ବା ୧୦ ଫୁଟ୍ ହେବ ବୋଲି ଅନୁମାନ କରାଯାଉଛି। ଧାନି-ମୁଣ୍ଡିଆ ଜଙ୍ଗଲରୁ ଉଦ୍ଧାର ହୋଇଛି ଏହି ସାପ। ଗତକାଲି ସନ୍ଧ୍ୟାରେ ରାସ୍ତା ପାର୍ ହେବା ସମୟରେ ସାପକୁ ଦେଖିବାକୁ ପାଇଥିଲେ ସ୍ଥାନୀୟ ଲୋକେ। ଏହାପରେ ସ୍ନେକ ହେଲ୍ପଲାଇନ୍କୁ ଏ ସମ୍ପର୍କରେ ଖବର ଦେଇଥିଲେ। ସ୍ନେକ ହେଲ୍ପ ଲାଇନ ସଦସ୍ୟ ପ୍ରଦୀପ ପରିଡ଼ା ଏବଂ ରଣପୁର ବନ ବିଭାଗ ପକ୍ଷରୁ ଅକ୍ଷତ ଅବସ୍ଥାରେ ଏହି ସାପଟିକୁ ଉଦ୍ଧାର କରାଗଲା।
