ଚେନ୍ନାଇ: ପ୍ରଖ୍ୟାତ ଫିଲ୍ମ ମେକର ମଣି ରତ୍ନମ ଗୁରୁତର ଅସୁସ୍ଥ ହୋଇ ପଡ଼ିଛନ୍ତି। ଏଥିପାଇଁ ଚେନ୍ନାଇର ଗୋଟିଏ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ୬୬ ବର୍ଷୀୟ ମଣି ରତ୍ନମଙ୍କ ଶରୀରରେ ପ୍ରବଳ ଜ୍ୱରର ଲକ୍ଷଣ ଦେଖାଯିବାକୁ ତାଙ୍କୁ ହସ୍ପିଟାଲକୁ ଅଣାଯାଇଥିବା ରିପୋର୍ଟ ପ୍ରକାଶ ପାଇଛି। ତେବେ ଏ ସମ୍ପର୍କରେ କୌଣସି ବିସ୍ତୃତ ତଥ୍ୟ ମିଳିନାହିଁ।
ଆଗକୁ ମଣି ରତ୍ନମ୍ଙ୍କ ଡ୍ରିମ ପ୍ରୋଜେକ୍ଟ ତଥା ବହୁ ଚର୍ଚ୍ଚିତ ଫିଲ୍ମ ‘ପୋନ୍ନିୟିନ ସେଲଭନ’ ରିଲିଜ ହେବ। ଏହାପୂର୍ବରୁ କିଛି ଦିନ ଏହାର ଟିଜର ରିଲିଜ ହୋଇଥିଲେ। ସେବେଠାରୁ ଏହି ଫିଲ୍ମ ଚର୍ଚ୍ଚାରେ ରହିଛି। ଫିଲ୍ମରେ ଚୋଳ ରାଜବଂଶକୁ ଭୁଲ୍ ଢଙ୍ଗରେ ପ୍ରଦର୍ଶିତ କରିବାକୁ ଚେଷ୍ଟା କରାଯାଇଥିବା ଅଭିଯୋଗ ହୋଇଛି।
‘ପୋନ୍ନିୟିନ ସେଲଭନ’ ଏକ ମଲ୍ଟି ଷ୍ଟାରର୍ ଫିଲ୍ମ। ସାଉଥର ସୁପରଷ୍ଟାର ଚିୟାନ ବିକ୍ରମ ଓ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ବ୍ୟତୀତ ଏହି ଫିଲ୍ମରେ ଶରତ କୁମାର, ପ୍ରଭୁ, ଶୋଭିତା ଧୁଲିପାଲ, କାର୍ତ୍ତି, ତ୍ରିଷା, ପ୍ରକାଶ ରାଜଙ୍କ ଭଳି ଅଭିନେତା ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି। ଏହି ଫିଲ୍ମଟିକୁ ଦୁଇଟି ଭାଗରେ ରିଲିଜ କରାଯିବ। ପ୍ରଥମ ପାର୍ଟ ଆସନ୍ତା ସେପ୍ଟେମ୍ବର ୩୦ରେ ରିଲିଜ ହେବ। ଫିଲ୍ମକୁ ୫ଟି ଭାଷା ହିନ୍ଦୀ, ତାମିଲ, ତେଲୁଗୁ, କନ୍ନଡ ଓ ମାଲାୟଲମରେ ରିଲିଜ କରାଯିବ।
