ନୂଆଦିଲ୍ଲୀ: ହରିୟାଣାରେ ଆସି ସାରିଛି ଜନାଦେଶ । ପୁଣି ଥରେ ଲୋକଙ୍କ ଆସ୍ଥା ଭାଜନ କରିଛି ବିଜେପି । ଆଉ କଂଗ୍ରେସକୁ ଦେଖିବାକୁ ପଡିଛି ହ୍ୟାଟ୍ରିକ୍ ପରାଜୟ । ଯଦିଓ କଂଗ୍ରେସ ସରକାର ଗଠନ କରିପାରିନି ତଥାପି ୩୭ଟି ଆସନରେ ବିଜୟର ସ୍ୱାଦ ଚାଖିଛି ଦଳ । ସେଥିମଧ୍ୟରୁ ୧୭ଟି ଏପରି ଆସନ ରହିଛି ଯେଉଁଥିରେ ବିଦୋ୍ରହ ଯୋଗୁ ଅଳ୍ପକେ ବିଜୟରୁ ବଞ୍ଚିତ ବା ବଡ ପରାଜୟ ଦେଖିଛି କଂଗ୍ରେସ । ଏଥିପାଇଁ ନେତାମାନଙ୍କ ବିଦ୍ରୋହକୁ ଦାୟୀ କରାଯାଇଛି । ଆସନ୍ତୁ ଏହି ଆସନ ଗୁଡିକ ଉପରେ ନଜର ପକାଇବା ।
୧) ଉଚନା କାଲନ – ଏହି ଆସନରେ ମାତ୍ର ୩୨ଟି ଭୋଟରେ ହାରିଛି କଂଗ୍ରେସ । ବିଜେପି ପ୍ରାର୍ଥୀ ଦେବେନ୍ଦ୍ର ଚତୁର୍ଭୁଜ ଅତ୍ତାରି ୪୮ ହଜାର ୯୬୮ଟି ଭୋଟ୍ ପାଇଥିବାବେଳେ କଂଗ୍ରେସର ବ୍ରିଜେନ୍ଦ୍ର ସିଂଙ୍କୁ ମିଳିଛି ୪୮ ହଜାର ୯୩୬ଟି ଭୋଟ୍ ।
୨) ଦାବୱାଲି ଆସନ – ଇଣ୍ଡିଆନ ନାସନାଲ ଲୋକ ଦଳର ପ୍ରାର୍ଥୀ ଆଦିତ୍ୟ ଦେବୀ ଲାଲ ୫୬ ହଜାର ୭୪ଟି ଭୋଟ୍ ପାଇଛନ୍ତି । ଅନ୍ୟପଟେ କଂଗ୍ରେସର ଅମିତ ସିହାଗ ପାଇଛନ୍ତି ୫୫ ହଜାର ୪୬୪ । ଏଠାରୁ କଂଗ୍ରେସକୁ ମାତ୍ର ୬୧୦ଟି ଭୋଟରେ ହାରିବାକୁ ପଡିଛି ।
୩) ଦାଦ୍ରି ବିଧାନସଭା ଆସନ – ସୁନିଲ ସତପାଲ ସଙ୍ଗୱାନ ବିଜେପିରୁ ଲଢି ପାଇଛନ୍ତି ୬୫ ହଜାର ୫୬୮ଟି ଭୋଟ୍ । ସେହିପରି କଂଗ୍ରେସ ମନିଷା ସଙ୍ଗୱାନ୍ ପାଇଛନ୍ତି ୬୩ ହଜାର ୬୧୧ଟି ଭୋଟ୍ । ଏଠାରୁ ମଧ୍ୟ କଂଗ୍ରେସ ୧ ହଜାର ୯୫୭ଟି ଭୋଟରେ ପରାସ୍ତ ହୋଇଛି ।
୪)ପୁଣ୍ଡ୍ରି ଆସନ – ସତପାଲ ଜମ୍ବା ଏଠାରୁ ୪୨ ହଜାର ୮୦୫ଟି ଭୋଟ ପାଇଛନ୍ତି । ଅନ୍ୟପଟେ କଂଗ୍ରେସର ସତବୀର ଭାନ ପାଇଛନ୍ତି ୪୦ ହଜାର ୬୦୮ଟି ଭୋଟ । ଏଠାରୁ ବି କଂଗ୍ରେସ ମାତ୍ର ୨ ହଜାର ୧୯୭ଟି ଭୋଟରେ ହାରିଯାଇଛି ।
୫) ଅସନ୍ଧ ବିଧାନସଭା ଆସନ – ବିଜେପି ପ୍ରାର୍ଥୀ ଯୋଗେନ୍ଦ୍ର ସିଂ ରାଣା ୫୪ ହଜାର ୭୬୧ଟି ଭୋଟ୍ ପାଇ ବିଜୟୀ ହୋଇଛନ୍ତି । କଂଗ୍ରେସ ପ୍ରାର୍ଥୀ ସମଶେର ସିଂ ଗୋଗି ୫୨ ହଜାର ୪୫୫ଟି ଭୋଟ୍ ହାତେଇ ଥିଲେ ବି ୨ ହଜାର ୩୦୬ଟି ଭୋଟରେ ହାରିଛନ୍ତି ।
୬) ମହେନ୍ଦ୍ରଗଡ – ବିଜେପି ପ୍ରାର୍ଥୀ କନୱର ସିଂ ଏହି ଆସନରୁ ୬୩ ହଜାର ୩୬ଟି ଭୋଟ ପାଇଛନ୍ତି । କଂଗ୍ରେସ ପ୍ରାର୍ଥୀ ରାଓ ଦାନ ସିଂ ପାଖକୁ ଯାଇଛି ୬୦ ହଜାର ୩୮୮ଟି ଭୋଟ୍ । ଏଠାରେ ବି ବିଦ୍ରୋହ ଯୋଗୁ ୨ ହଜାର ୬୪୮ଟି ଭୋଟରେ କଂଗ୍ରେସ ହାରିଛି ।
୭) ସଫିଦନ ଆସନ – ଏଠାରୁ ବିଜେପିର ରାମ କୁମାର ଗୌତମ ୫୮ ହଜାର ୯୮୩ଟି ଭୋଟ୍ ପାଇ ବିଜୟୀ ହୋଇଛନ୍ତି । କଂଗ୍ରେସର ସୁଭାଷ ଗଙ୍ଗୋଲି ୫୪ ହଜାର ୯୪୨ଟି ଭୋଟ ପାଇଥିଲେ ବି ଦଳକୁ ୪ ହଜାର ୩୭ଟି ଭୋଟରେ ହାରିବାକୁ ପଡିଛି ।
୮) ରନିଆ ବିଧାନସଭା – ଇଣ୍ଡିଆନ ନାସନାଲ ଲୋକ ଦଳର ପ୍ରାର୍ଥୀ ଅର୍ଜୁନ ଚୌତଲା ଏଠାରୁ ୪୩ ହଜାର ୯୧୪ଟି ଭୋଟ୍ ପାଇ ବିଜୟୀ ହୋଇଛନ୍ତି । ଅନ୍ୟପଟେ କଂଗ୍ରେସ ପ୍ରାର୍ଥୀ ସର୍ଭ ମିତ୍ତର ପାଇଛନ୍ତି ୩୯ ହଜାର ୭୨୩ଟି ଭୋଟ୍ । ଏଠାରୁ କଂଗ୍ରେସ ୪ ହଜାର ୧୯୧ଟି ଭୋଟରେ ହାରିଛି ।
୯) ରାଏ ଆସନ – ବିଜେପି ପ୍ରାର୍ଥୀ କ୍ରିଷ୍ଣା ଗହଲାୱତ ୬୪ ହଜାର ୬୧୪ଟି ଭୋଟ୍ ପାଇଥିଲାବେଳେ କଂଗ୍ରେସର ଜୟ ଭଗୱନ ଅଣ୍ଟିଲ ପାଇଛନ୍ତି ୫୯ ହଜାର ୯୪୧ଟି ଭୋଟ୍ । ଏଠାରୁ ୪ ହଜାର ୬୭୩ଟି ଭୋଟରେ ହାରିଛି କଂଗ୍ରେସ ।
୧୦) ବଧରା – ଉମେଦ୍ ସିଂ ଏହି ଆସନରେ ବିଜେପି ପ୍ରାର୍ଥୀ ଭାବେ ପାଇଛନ୍ତି ୫୯ ହଜାର ୩୬୫ଟି ଭୋଟ୍ । କଂଗ୍ରେସରୁ ସୋମବୀର ସିଂଙ୍କୁ ମିଳିଛି ୫୧ ହଜାର ୭୩୦ ଭୋଟ୍ । ଏଠାରୁ ୭ ହଜାର ୫୮୫ଟି ଭୋଟରେ ପରାଜିତ ହୋଇଛି କଂଗ୍ରେସ ।
ଏହି ସବୁ ଆସନ ବ୍ୟତୀତ ଗୋହାନାରେ ୧୦ ହଜାର ୪୨୯, କାଲକା ଆସନରେ ୧୦ ହଜାର ୮୮୩, ସୋହାନାରେ ୧୧ ହଜାର ୮୭୭, ବାହାଦୂରଗଡ ୪୪ ହଜାର ୨୩୬, ଅମ୍ବଲାକାଣ୍ଟରେ ୪୫ ହଜାର ୩୮୯, ବଲ୍ଲବଗଡ ୫୩ ହଜାର ୧୩୨ ଏବଂ ତିଗାଁଓରେ ୭୨ ହଜାର ୫୭୩ଟି ଭୋଟରେ ହାରିଛି କଂଗ୍ରେସ ।
