ଚାନ୍ଦିପୁର, ୨୩/୦୮/୨୦୨୨- ସମୁଦ୍ର ମଝିରେ ଭାରତୀୟ ନୌସେନାର ଜାହାଜରୁ ମଙ୍ଗଳବାର କରାଯାଇଥିବା ସର୍ଟ ରେଞ୍ଜ ମିସାଇଲ ପରୀକ୍ଷଣ ସଫଳ ହୋଇଛି । ଭାରତୀୟ ନୌସେନା ଓ ଡିଆରଡିଓ ପକ୍ଷରୁ ଏହି ମିସାଇଲ୍ ପ୍ରସ୍ତୁତ କରାଯାଇଛି । ଏହି ମିସାଇଲରେ ଇଣ୍ଡିଜିନିଅସ୍ ରେଡିଓ ଫ୍ରିକ୍ୱେନ୍ସି ଖୋଜିବା ସହ ଟାର୍ଗେଟକୁ ସଠିକ୍ ଭାବେ ଭେଦ କରିବାର ସମର୍ଥ ରହିଛି । ଭୂ-ପୃଷ୍ଠରୁ ଆକାଶ ମାର୍ଗକୁ ବିନା କୌଣସି ଅସୁବିଧାରେ ସଫଳ ଲକ୍ଷ୍ୟଭେଦ କରିବାର କ୍ଷମତା ରଖିଛି ଏହି ମିସାଇଲ୍ । ଭାରତୀୟ ପ୍ରତିରକ୍ଷା କ୍ଷେତ୍ରରେ ଏହା ଏକ ବଡ଼ ସଫଳତା ବୋଲି କୁହାଯାଉଛି ।
