ମୁମ୍ବାଇ() ‘ବିଗ୍ ବସ୍’ ସିଜିନ୍ ୧୫ର ବିଜେତା ହୋଇଛନ୍ତି ଟେଲିଭିଜନ୍ ଷ୍ଟାର ତେଜସ୍ୱୀ ପ୍ରକାଶ। ପୁରସ୍କାର ବାବଦକୁ ତାଙ୍କୁ ଏକ ଟ୍ରଫି ସହିତ ୪୦ ଲକ୍ଷ ଟଙ୍କା ପ୍ରଦାନ କରାଯାଇଛି।
ଗତକାଲି ଶୋ’ର ଉପସ୍ଥାପକ ସଲମାନ ଖାନ୍ ବିଜେତାଙ୍କ ନାଁ ଘୋଷଣା କରିଥିଲେ। ତେଜସ୍ୱୀ ପ୍ରକାଶ ବିଜୟୀ ହୋଇଥିବା ବେଳେ ପ୍ରଥମ ରନର ଅପ୍ ହୋଇଛନ୍ତି ଅଭିନେତା ତଥା ମଡେଲ ପ୍ରତୀକ ସେହଜପାଲ। ସେହିପରି ତେଜସ୍ୱୀଙ୍କ ବୟଫ୍ରେଣ୍ଡ ତଥା ଅଭିନେତା କରନ କୁନ୍ଦ୍ରା ତୃତୀୟ ସ୍ଥାନରେ ରହିଛନ୍ତି। ଅଭିନେତ୍ରୀ ସମିତା ଶେଟ୍ଟୀ ଚତୁର୍ଥ ସ୍ଥାନରେ ରହିଛନ୍ତି।
‘ସ୍ୱରାଗିଣୀ- ଯୋଡେଁ ରିସ୍ତୋଁ କି ସୁର୍’ରେ ଅଭିନୟ କରି ଚର୍ଚ୍ଚାକୁ ଆସିଥିବା ତେଜସ୍ୱୀ ‘ବିଗ୍ ବସ୍’ ସିଜିନ୍ ୧୫ ପ୍ରତିଯୋଗିତା ପ୍ରାରମ୍ଭରୁ ପ୍ରମୁଖ ଦାବିଦାର ରହିଥିଲେ। ଏହି ଶୋ’ ସମୟରେ ସେ କରନ କୁନ୍ଦ୍ରାଙ୍କ ପ୍ରେମରେ ପଡ଼ିଯାଇଥିଲେ। ଫ୍ୟାନ୍ମାନେ ବି ସେମାନଙ୍କ ଯୋଡ଼ିକୁ ପସନ୍ଦ କରିଛନ୍ତି।
ସେହିପରି ବିଗ୍ ବସ୍ ସିଜିନ୍ ୧୩ର ଫାଇନାଲିଷ୍ଟ ଶେହନାଜ ଗିଲ୍ ମଧ୍ୟ ଗ୍ରାଣ୍ଡ ଫିନାଲେରେ ସାମିଲ ହୋଇଥିଲେ। ଏଥିରେ ସେ ତାଙ୍କର ପୂର୍ବତନ ପ୍ରେମିକ ସ୍ୱର୍ଗତ ସିଦ୍ଧାର୍ଥ ଶୁକ୍ଳାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ତାଙ୍କୁ ମନେ ପକାଇ ଉଭୟ ଶେହନାଜ ଓ ସଲମାନ କାନ୍ଦି ପକାଇଥିଲେ। ସୂଚନାଯୋଗ୍ୟ, ପୂର୍ବତନ ବିଗ୍ ବସ୍ ବିଜେତା ସିଦ୍ଧାର୍ଥ ଶୁକ୍ଳାଙ୍କର ଗତବର୍ଷ ମୃତ୍ୟୁ ହୋଇଥିଲା। ତାଙ୍କୁ ମାତ୍ର ୪୦ ବର୍ଷ ହୋଇଥିଲା।
Thank you #TejaTroops and everyone who made this dream come true! A dream come true after 4 months of a very challenging journey! The trophy comes home!!! #BiggBoss15 #BiggBoss #TejasswiPrakash #TejaTroops #TCrew pic.twitter.com/jC266ww151
— Tejasswi Prakash (@itsmetejasswi) January 30, 2022
