ଭୁବନେଶ୍ୱର: କନ୍ନଡ ଚଳଚ୍ଚିତ୍ର ଶିଳ୍ପ ଅତ୍ୟନ୍ତ ଖରାପ ପର୍ଯ୍ୟାୟ ଦେଇ ଗତି କରୁଥିଲା, କିନ୍ତୁ ପ୍ରଶାନ୍ତ ନୀଲ ନିର୍ଦ୍ଦେଶକ କେଜିଏଫ୍ ସିନେମାକୁ ଏକ ନୂତନ ସ୍ତରକୁ ନେଇଛି। ନିକଟରେ ‘କନ୍ତରା’ ରିଲିଜ୍ ହୋଇଛି, ଯାହାର ଆଲୋଚନା ଏବେ ସାରା ଦେଶରେ ଚାଲିଛି । କେଜିଏଫ୍ ପରେ କନ୍ନଡ ସିନେମାରେ ସବୁଠାରୁ ଚର୍ଚ୍ଚିତ ଚଳଚ୍ଚିତ୍ର ହେଉଛି ଋଷଭ ଶେଟ୍ଟୀଙ୍କ କନ୍ତାରା (Kantara)। ବକ୍ସ ଅଫିସରେ କନ୍ତରା (Kantara) ଫିଲ୍ମ ଆଉ ଏକ ବଡ ସଫଳତା ହାସଲ କରିଛି।
ବାସ୍ତବରେ, କେଜିଏଫ୍ ପାର୍ଟ ୨ କୁ ଛାଡି କନ୍ତରା (Kantara) IMDb ରେ ସର୍ବାଧିକ ରେଟିଂ ଚଳଚ୍ଚିତ୍ର ହୋଇପାରିଛି | କନ୍ତାରା (Kantara) IMDb ରେ ୯.୪ ରେଟିଂ ରହିଛି, ଯାହା ଏକ ଭାରତୀୟ ଚଳଚ୍ଚିତ୍ର ପାଇଁ ସର୍ବାଧିକ । ଏହା ପରେ KGF ପାର୍ଟ ୨ (୮.୪) ଏବଂ RRR (୮) ରେଟିଂ ରହିଥିଲା । ଅନ୍ୟପକ୍ଷରେ,ଏହି ଚଳଚ୍ଚିତ୍ର ଧୀରେ ଧୀରେ ଦର୍ଶକଙ୍କ ମଧ୍ୟରେ ଲୋକପ୍ରିୟ ହୋଇପାରିଛି।
ଏହା କର୍ଣ୍ଣାଟକର ସବୁଠୁ ବଡ ବ୍ଲକବଷ୍ଟର ଚଳଚ୍ଚିତ୍ର ଭାବରେ ଉଭା ହୋଇଛି । ଏହି ଫିଲ୍ମଟି ରାଜ୍ୟରେ ପ୍ରାୟ ୭୦ କୋଟି ଟଙ୍କା ରୋଜଗାର କରିଛି। ପ୍ରଥମେ ଏହା ପୂର୍ବରୁ କନ୍ନଡରେ ଆସିଥିଲା ହେଲେ ଲୋକପ୍ରିୟତା ଦେଖି ଏବେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମଧ୍ୟ ମୁକ୍ତିଲାଭ କରିଛି । ବାଣିଜ୍ୟ ବିଶ୍ଳେଷକ ଆକଳନ କରିଛନ୍ତି ଯେ ଯଦି ଚଳଚ୍ଚିତ୍ର ବର୍ତ୍ତମାନର ଗତି ଜାରି ରଖେ ତେବେ ଏହା ଶୀଘ୍ର ୧୦୦ କୋଟି ଛୁଇଁପାରେ। ୧୬ କୋଟି ବଜେଟ୍ ରେ କନ୍ତରା ପ୍ରସ୍ତୁତ କରାଯାଇଛି । ଯାହାକି ନିର୍ମାତାଙ୍କ ଆଶାଠାରୁ ଅଧିକ ପ୍ରମାଣିତ ହୋଇଛି।
