ଭୁବନେଶ୍ୱର: ସ୍କୁଲରେ ପ୍ରାର୍ଥନା କରୁଥିବା ବେଳେ ଚାଲିଗଲା ଛାତ୍ରୀଙ୍କ ଜୀବନ । ଏଭଳି ଏକ ଦୁଃଖଦାୟକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧାମନଗର ବ୍ଲକ ଅଧିନସ୍ଥ ବନସର ଠାରେ ।
ବନସର ଠାରେ ଥିବା ଲଷ୍ମୀନାରାୟଣ ହାଇସ୍କୁଲରେ ନବମ ଶ୍ରେଣୀରେ ପଢ଼ୁଥିବା ଛାତ୍ରୀ ପ୍ରାର୍ଥନା ସମୟରେ ତଳେ ପଡିଯାଇଥିଲେ । ଅଚେତ ଅବସ୍ଥାରେ ତାଙ୍କୁ ମେଡିକାଲକୁ ନିଆଯାଇଥିଲା ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ମୃତ ଛାତ୍ରୀ ଜଣକ ହେଉଛନ୍ତି ରାଧାବଲ୍ଲଭ ପଞ୍ଚାୟତର ସଂଗ୍ରାମ ବେହୁରିଆଙ୍କ ଝିଅ ମନୀଷା ବେହୁରିଆ । ସେ ଲଷ୍ମୀନାରାୟଣ ହାଇସ୍କୁଲରେ ନବମ ଶ୍ରେଣୀରେ ପଢୁଥିଲେ । ଝିଅର ଏଭଳି ମୃତ୍ୟୁକୁ ସହଜରେ ଗ୍ରହଣ କରିପାରୁନାହାନ୍ତି ପରିବାର ଲୋକେ ।
