ଚୀନରେ ଲଗାତାର ୪ ଦିନ ହେବ କରୋନା ସଂକ୍ରମଣ ରେକର୍ଡ ମାତ୍ରାରେ ବଢିବାକୁ ଲାଗିଛି । ସଂକ୍ରମଣ ରୋକିବାକୁ ଚୀନ ସରକାର ଜିରୋ କୋଭିଡ ନୀତି ଆପଣାଇଥିବା ବେଳେ ଏହାକୁ ବିରୋଧ କରି ଜନସାଧାରଣ ରାଷ୍ଟ୍ରପତି ଜିନପିଙ୍ଗଙ୍କ ଇସ୍ତଫା ଦାବି କରିଛନ୍ତି । ଦେଶବ୍ୟାପୀ ବିକ୍ଷୋଭ ଜାରି ରହିଥିବା ବେଳେ ବିକ୍ଷୋଭକାରୀମାନେ ଜିନପିଙ୍ଗଙ୍କ ବିରୋଧରେ ନାରାବାଜି କରିଛନ୍ତି । ଗତ ୨୪ ଘଣ୍ଟାରେ ଚୀନରେ ପ୍ରାୟ ୪୦ ହଜାର କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ହେଲେ ୮୦ ପ୍ରତିଶତରୁ ଅଧିକ ସଂକ୍ରମିତଙ୍କ ଠାରେ କୌଣସି ଲକ୍ଷଣ ନଥିବା ଦେଖିବାକୁ ମିଳିଛି । ଯାହା ଚୀନ ସରକାରଙ୍କ ଚିନ୍ତା ବଢାଇଦେଇଛି । ଚୀନରେ ସିନଜିଆଙ୍ଗ ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ନିଆଁ ଲାଗିଯାଇଥିଲା, ହେଲେ କରୋନା କଟକଣା ଯୋଗୁ ଅଗ୍ନିଶମ ବିଭାଗ ସେଠାରେ ନିଆଁ ଲିଭାଇବାକୁ ପହଞ୍ଚି ପାରିନଥିଲା । ଯାହାକୁ ନେଇ ବିକ୍ଷୋଭ ବଢିବାରେ ଲାଗିଛି । ସଂକ୍ରମଣ ବଢୁଥିବାରୁ କେତେକ ସହରରେ ଲକଡାଉନ ଜାରୀ କରାଯାଇଛି ।
