ଭୁବନେଶ୍ୱର: କେନ୍ଦ୍ର ସରକାର ଅନେକ ଯୋଜନା ଚଳାଉଛନ୍ତି। ଏହି ଯୋଜନାଗୁଡିକ ବିଷୟରେ ଅନେକ ଥର ଭୁଲ ଖବର ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥାଏ । କିଛି ଦିନ ହେବ ସୋସିଆଲ ମିଡିଆରେ ଏକ ବାର୍ତ୍ତା ଭାଇରାଲ ହେବାରେ ଲାଗିଛି ଯେଉଁଥିରେ ଦର୍ଶାଯାଇଛି ଯେ ‘ପ୍ରଧାନମନ୍ତ୍ରୀ କ୍ରେଡିଟ୍ ଯୋଜନା’ ଅଧୀନରେ ସମସ୍ତ ଆଧାର କାର୍ଡଧାରୀଙ୍କ ଆକାଉଣ୍ଟକୁ କେନ୍ଦ୍ର ସରକାର ୮୦,୦୦୦ ଟଙ୍କା ପ୍ରଦାନ କରୁଛନ୍ତି।
ଯଦି ଆଧାର କାର୍ଡ ସହିତ ଜଡିତ ଏହି ଭିଡିଓ ମଧ୍ୟ ଆପଣଙ୍କ ସାମ୍ନାକୁ ଆସୁଛି, ତେବେ କୌଣସି ଠକେଇକୁ ଏଡାଇବା ପାଇଁ ନିଶ୍ଚିତ ଭାବରେ ସଠିକ୍ ସୂଚନା ନିଅନ୍ତୁ । କେବଳ ସତର୍କତା ଏବଂ ସଚେତନତା ଦ୍ୱାରା ପ୍ରତିରୋଧ ସମ୍ଭବ।
‘Sarkari Update’ ନାମକ ୟୁଟ୍ୟୁବ୍ ଚ୍ୟାନେଲର ଏହି ଭିଡିଓରେ ଦାବି କରାଯାଇଛି ଯେ କେନ୍ଦ୍ର ସରକାର ‘ପ୍ରଧାନମନ୍ତ୍ରୀ କ୍ରେଡିଟ୍ ଯୋଜନା’ ଚଳାଉଛନ୍ତି ଏବଂ ଏହି ଯୋଜନା ଅନୁଯାୟୀ ସମସ୍ତ ଆଧାର କାର୍ଡଧାରୀଙ୍କୁ ସେମାନଙ୍କ ଆକାଉଣ୍ଟରେ ୮୦,୦୦୦ ଟଙ୍କା ପ୍ରଦାନ କରାଯାଉଛି। ଭିଡିଓରେ ଏହା ମଧ୍ୟ କୁହାଯାଇଛି ଯେ ଏହି ଯୋଜନା ଭାରତର ସମସ୍ତ ୨୮ ଟି ରାଜ୍ୟ ଏବଂ ୮ ଟି ୟୁନିଅନ ଅଞ୍ଚଳରେ କାର୍ଯ୍ୟକାରୀ ହୋଇଛି। ଭିଡିଓରେ ଆହୁରି କୁହାଯାଇଛି ଯେ ଏହି ଯୋଜନାର ଲାଭ ଉଠାଇବା ପାଇଁ ବୟସ ସୀମା ୧୮ ରୁ ୬୨ ବର୍ଷ ପର୍ଯ୍ୟନ୍ତ ରଖାଯାଇଛି। ଭିଡିଓରେ ଲୋକଙ୍କୁ କମେଣ୍ଟ ବକ୍ସରେ ନିଜ ରାଜ୍ୟର ନାମ ଉଲ୍ଲେଖ କରିବାକୁ ମଧ୍ୟ କୁହାଯାଉଛି।
ସରକାରଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ, PIB ଫ୍ୟାକ୍ଟ ଚେକ୍ ରୁ ଟୁଇଟ୍ କରି ଏହି ବିଷୟରେ ସୂଚନା ଦିଆଯାଇଛି । PIB ଫ୍ୟାକ୍ଟ ଚେକ୍ ର ଟୁଇଟ୍ ରେ କୁହାଯାଇଛି ଯେ ଏହି ଦାବି ନକଲି ଏବଂ କେନ୍ଦ୍ର ସରକାରଙ୍କ ଦ୍ୱାରା ସେପରି କୌଣସି ଯୋଜନା ଚାଲୁନାହିଁ।
ଯଦି ଆପଣ ମଧ୍ୟ ଏହିପରି କୌଣସି ବାର୍ତ୍ତା ପାଆନ୍ତି, ତେବେ ଆପଣ ଏହାକୁ PIB କୁ https://factcheck.pib.gov.in/ କିମ୍ବା ହ୍ୱାଟ୍ସ ଆପ୍ ନମ୍ବର +918799711259 କିମ୍ବା ଇମେଲ୍: pibfactcheck@gmail.com ରେ ପଠାଇ ପାରିବେ। ଏହି ସୂଚନା PIB ୱେବସାଇଟ୍ https://pib.gov.in ରେ ମଧ୍ୟ ଉପଲବ୍ଧ।
