କେନ୍ଦୁଝର, ୦୭/୧୨/୨୦୨୨ – କେନ୍ଦୁଝରରେ କ୍ରାଇମବ୍ରାଞ୍ଚ STFର ରେଡ୍ ବେଳେ ଫାଙ୍କା ଗୁଳି ଚାଳନା । ଗୋ ଚାଲାଣ ସମୟରେ ଗୋ ମାଫିଆଙ୍କୁ ଧରିବାକୁ ଗଲାବେଳେ ଅଭିଯୁକ୍ତମାନେ ଫାଙ୍କା ଗୁଳି ଚାଳନା କରିଥିଲେ । ଏଥିରେ ଜଣେ ଖସି ଯାଇ ଥିବାବେଳେ ପଶ୍ଚିମବଙ୍ଗର ୨ ଅଭିଯୁକ୍ତଙ୍କୁ ପୋଲିସ ଗିରଫ କରିବା ସହ ୨ଟି ଗାଡି ଜବତ କରିଛି । ପଶ୍ଚିମବଙ୍ଗକୁ ଗୋ ଚାଲାଣ ବେଳେ STF ଏହି ଚଢ଼ାଉ କରିଥିଲା । ଚଢ଼ାଉ ପରେ କେନ୍ଦୁଝର ଟାଉନ ଥାନାକୁ ଗୋ ମାଫିଆଙ୍କୁ ହସ୍ତାନ୍ତର କରାଯାଇଛି । ବରଗଡ଼ ସୋହେଲା ପଟୁ ଆସୁଥିବା ଗୋରୁ ଗାଡିରେ ୭୪ଟି ଗାଈ ବଳଦ ଚାଲାଣ ହେଉଥିଲା । ଏସଟିଏଫ ଟିମରେ ଜଣେ ଡ଼ିଏସପି ଏବଂ ୩ ଜଣ ଇନ୍ସପେକ୍ଟରଙ୍କ ସହ ୧୫ ଜଣ ପୋଲିସ ସାମିଲ ହୋଇଥିଲେ । ଏହି ରାକେଟ ନେଇ ପଚରା ଉଚରା କରୁଛି ପୋଲିସ ।
