ଭୁବନେଶ୍ୱର: ୟୁପିରେ ଜଣେ ଯୁବକକୁ କୁକୁର ପାଇଁ ଅପହରଣ କରିବାର ଏକ ସମ୍ବେଦନଶୀଳ ମାମଲା ସାମ୍ନାକୁ ଆସିଛି। ଏହି ମାମଲା ହେଉଛି ଗ୍ରେଟର ନୋଏଡାର ବିଟା ୨ ପୋଲିସ ଷ୍ଟେସନର। ଯେଉଁଠାରେ ଅଭିଯୁକ୍ତମାନେ ପ୍ରଥମେ କୁକୁରକୁ ଦେଖି ପସନ୍ଦ କରନ୍ତି, ପରେ ଦେବାକୁ କୁହନ୍ତି ହେଲେ କୁକୁରର ମାଲିକ ଯେତେବେଳେ ମନା କରନ୍ତି, ସେତେବେଳେ ଅପହରଣକାରୀମାନେ ରାଗିଯାଇ ଯୁବକକୁ ଅପହରଣ କରିନିଅନ୍ତି।
ବର୍ତ୍ତମାନ ଅପହରଣଙ୍କ ଅଡିଓ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେଉଛି। ଜଣେ ଯୁବକ ତାଙ୍କୁ ଆର୍ଜେଣ୍ଟିନା ପ୍ରଜାତିର କୁକୁର ନ ଦେବାରୁ ସେମାନେ କୁକୁର ମାଲିକଙ୍କୁ ଅପହରଣ କରି ନେଇଥିଲେ। ଏହି କୁକୁରର ମୂଲ୍ୟ ହେଉଛି ୨ ଲକ୍ଷ ଟଙ୍କା ।
ଗ୍ରେଟର ନୋଏଡାର ବାସିନ୍ଦା ରାହୁଲ କହିଛନ୍ତି ଯେ ତାଙ୍କ ଭାଇ ଶୁଭମ୍ ଙ୍କର ଏକ ଆର୍ଜେଣ୍ଟିନୋ କୁକୁର ଅଛି। ବୁଧବାର ସନ୍ଧ୍ୟାରେ ଶୁଭମ୍ ତାଙ୍କ କୁକୁରକୁ ଧରି ବୁଲୁଥିଲେ, ଠିକ ସେହି ସମୟରେ ଆଲିଗଡର ବାସିନ୍ଦା ବିଶାଲ, ଲଲିତ ଏବଂ ମଣ୍ଟି ଆସି କୁକୁରକୁ ପସନ୍ଦ କରନ୍ତି। ସମସ୍ତେ ଧମକ ଦେଇ କହିଥିଲେ ଯେ ଯାହା ହେଉନା କାହିଁକି, ସେମାନେ ଏହି କୁକୁରକୁ ଚାହାଁନ୍ତି ଏବଂ ଏହା ପରେ ସେମାନେ ଶୁଭମଙ୍କୁ ଅପହରଣ କରିଥିଲେ। ପରେ ପୀଡିତା କୌଣସି ପ୍ରକାରେ ଅଭିଯୁକ୍ତଙ୍କ କବଳରୁ ନିଜ ଜୀବନ ରକ୍ଷା କରିବାରେ ସଫଳ ହୋଇଥିଲେ ଏବଂ ଗ୍ରେଟର ନୋଏଡାସ୍ଥିତ ତାଙ୍କ ଘରକୁ ଫେରିଆସିଥିଲେ। ବର୍ତ୍ତମାନ ଏହି ମାମଲାରେ ଥାନାରେ ଏକ ରିପୋର୍ଟ ପଞ୍ଜୀକୃତ ହୋଇଥିବା ବେଳେ ଅଭିଯୁକ୍ତଙ୍କୁ ପୋଲିସ ଖୋଜିବା ଆରମ୍ଭ କରିଛି।
