ଭୁବନେଶ୍ୱର: ୨୦୨୩ ମସିହାରେ, OTT ପ୍ଲାଟଫର୍ମ ନେଟଫ୍ଲିକ୍ସ, ଆମାଜନ ପ୍ରାଇମ ଭିଡିଓ, ଡିଜନି ପ୍ଲସ ହଟଷ୍ଟାର ଏବଂ ସୋନିଲିଭରେ ଅନେକ ସିରିଜ୍ ମୁକ୍ତିଲାଭ କରିବାକୁ ଯାଉଛି। ସମସ୍ତେ ନୂଆ ବର୍ଷରେ ଏହି ଚଳଚ୍ଚିତ୍ର ଏବଂ ୱେବ୍ ସିରିଜ୍ କୁ ଉତ୍ସାହର ସହିତ ଅପେକ୍ଷା କରିଛନ୍ତି। ଏଭଳି ପରିସ୍ଥିତିରେ, ୨୦୨୩ ନୂତନ ବର୍ଷର ପ୍ରଥମ ମାସରେ, ଅନେକ ବ୍ଲକବଷ୍ଟର ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ। ବଲିଉଡ ଇଣ୍ଡଷ୍ଟ୍ରି ଏବଂ ସାଉଥ ଇଣ୍ଡଷ୍ଟ୍ରି ପାଇଁ ଏହି ବର୍ଷ ଅତ୍ୟନ୍ତ ସ୍ୱତନ୍ତ୍ର, କିନ୍ତୁ ୱେବ୍ ସିରିଜ୍ ସବୁବେଳେ ଲୋକଙ୍କ ହୃଦୟରେ ଏକ ଭିନ୍ନ ସ୍ଥାନ ସୃଷ୍ଟି କରିଛି।
କୁତ୍ତେ(Kuttey)
ଅଭିନେତା ଅର୍ଜୁନ କପୁର ଏବଂ ଅଭିନେତ୍ରୀ ତବୁଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘କୁତ୍ତେ’ ରିଲିଜ ହେବାକୁ ଯାଉଛି। ଅର୍ଜୁନ କପୁରଙ୍କ ଫିଲ୍ମ ‘କୁତ୍ତେ’ ଜାନୁୟାରୀ ୧୩ , ୨୦୨୩ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।
ଲକଡ଼ବଘା (Lakadbaggha)
ଅଭିନେତା ଅନସୁମାନ ଝା ଏବଂ ଅଭିନେତ୍ରୀ ରିଦ୍ଧି ଡୋଗରାଙ୍କ ଲୋକପ୍ରିୟ ଚଳଚ୍ଚିତ୍ର ‘ଲକଡ଼ବଘା’ ମଧ୍ୟ ଚଳିତ ବର୍ଷ ପ୍ରାରମ୍ଭରେ ପ୍ରେକ୍ଷାଳୟକୁ ଆସିବ। ଜାନୁଆରୀ ୧୩ ରେ ବକ୍ସ ଅଫିସରେ, ‘କୁତ୍ତା’ ଏବଂ ‘ଲକଡ଼ବଘା’ ଚଳଚ୍ଚିତ୍ର ମଧ୍ୟରେ ସଂଘର୍ଷ ହେବ।
ମିଶନ୍ ମଜ୍ନୁ(Mission Majnu)
ବଲିଉଡ ସୁପରଷ୍ଟାର ସିଦ୍ଧାର୍ଥ ମଲହୋତ୍ରାଙ୍କ ବହୁ ଚର୍ଚ୍ଚିତ ଚଳଚ୍ଚିତ୍ର ‘ମିଶନ୍ ମଜ୍ନୁ’ ଜାନୁୟାରୀ ୨୦ , ୨୦୨୩ ରେ ମୁକ୍ତିଲାଭ କରିବ।
ପଠାନ୍ (Pathaan)
ହିନ୍ଦୀ ସିନେମାର ମେଗା ସୁପରଷ୍ଟାର ଶାହାରୁଖ ଖାନଙ୍କ ପ୍ରସିଦ୍ଧ ଚଳଚ୍ଚିତ୍ର ‘ପଠାନ’ ନୂଆ ବର୍ଷର ସବୁଠାରୁ ବଡ ମୁକ୍ତିଲାଭ ବୋଲି ବିବେଚନା କରାଯାଏ। ଗଣତନ୍ତ୍ର ଦିବସ ଅବସରରେ ଜାନୁଆରୀ ୨୫ ରେ ପଠାନ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ଗାନ୍ଧୀ ଗୋଡସେ-ଏକ ଯୁଦ୍ଧ (Gandhi Godse-Ek Yudh)
ହିନ୍ଦୀ ସିନେମାର ପ୍ରଖ୍ୟାତ ନିର୍ଦ୍ଦେଶକ ରାଜକୁମାର ସନ୍ତୋଷୀ ଫିଲ୍ମ ‘ଗାନ୍ଧୀ ଗୋଡସେ – ଏକ ଯୁଦ୍ଧ’ ମାଧ୍ୟମରେ ପ୍ରତ୍ୟାବର୍ତ୍ତନ କରୁଛନ୍ତି। ଏହି ଫିଲ୍ମ ୨୬ ଜାନୁୟାରୀ ୨୦୨୩ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
