ଭୁବନେଶ୍ୱର, ୦୬/୦୧/୨୦୨୩ – ୨୦୨୨ ରେ ଅନେକ ସେଲିବ୍ରେଟ୍ ଅଲଗା ହୋଇଥିଲେ ଏବଂ ବର୍ତ୍ତମାନ ୨୦୨୩ରୁ ଆରମ୍ଭରେ, ଅନ୍ୟ ଏକ ଦମ୍ପତିଙ୍କ ବ୍ରେକଅପ୍ ଖବର ସାମ୍ନାକୁ ଆସିଛି । ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ ତେବେ ସାଉଥ ସୁପରଷ୍ଟାର ଥାଲାପତି ବିଜୟ ପତ୍ନୀ ସଙ୍ଗୀତାଙ୍କ ଠାରୁ ଅଲଗା ହେବାକୁ ଯାଉଛନ୍ତି ।
୧୯୯୬ରେ ଦୁହେଁ ପ୍ରଥମ ଥର ପାଇଁ ସାକ୍ଷାତ ହୋଇଥିଲେ । ସଂଗୀତା ବିଜୟଙ୍କ ଜଣେ ପ୍ରଶଂସକ ଥିଲେ। ସେ ବ୍ରିଟେନରେ ଥିଲେ କିନ୍ତୁ, ତାଙ୍କୁ ଭେଟିବା ପାଇଁ ସ୍ୱତନ୍ତ୍ର ଭାବେ ଚେନ୍ନାଇ ଆସିଥିଲେ । ସେ ତାଙ୍କ ଅଭିନୟରେ ପାଗଳ ଥିଲେ । ଶେଷରେ ଦୁହେଁ ସାକ୍ଷାତ ହେଲେ ଏବଂ ପରେ ପ୍ରେମରେ ପଡ଼ିଗଲେ, ଯାହା ପରେ ସେମାନେ ୩ ବର୍ଷ ଡେଟିଂ କରିବା ପରେ ବିବାହ କରିଥିଲେ । ବିବାହର ୨୩ ବର୍ଷ ଖୁସିରେ ବିତାଇବା ପରେ, ବର୍ତ୍ତମାନ ଦୁହିଁଙ୍କ ଛାଡପତ୍ର ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
