ଭୁବନେଶ୍ୱର: ଗୋଆ ଏୟାର ଟ୍ରାଫିକ୍ କଣ୍ଟ୍ରୋଲ୍ ବୋମା ଧମକ ପାଇବା ପରେ ମସ୍କୋ-ଗୋଆ ଚାର୍ଟାର୍ଡ ବିମାନ ଗୁଜୁରାଟର ଜାମନଗରରେ ଜରୁରୀକାଳୀନ ଅବତରଣ କରିଥିଲା । ନ୍ୟୁଜ୍ ଏଜେନ୍ସି ANI ସୋମବାର ବିମାନବନ୍ଦର ଅଧିକାରୀଙ୍କ ଉଦ୍ଧେଶ୍ୟରେ ଏହି ସୂଚନା ଦେଇଛି। କୁହାଯାଉଛି ଯେ ଗୋଆ ଏଟିସି ବିମାନରେ ଏକ ଇ-ମେଲ ମାଧ୍ୟମରେ ବୋମା ଧମକ ଦେଇଥିଲା। ଜାମନଗର ବିମାନବନ୍ଦରର ନିର୍ଦ୍ଦେଶକ କହିଛନ୍ତି ଯେ ମସ୍କୋ-ଗୋଆ ଚାର୍ଟାର୍ଡ ବିମାନରେ ଥିବା ସମସ୍ତ ୨୪୪ ଜଣ ଯାତ୍ରୀ ବିମାନ ବନ୍ଦରରେ ନିରାପଦରେ ଅବତରଣ କରିବା ପରେ ରାତି ପ୍ରାୟ ୯.୪୯ ସମୟରେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା।
ଏହି ସମୟରେ ଋଷ ର ସରକାରୀ ଗଣମାଧ୍ୟମ ମଧ୍ୟ ଏହି ଘଟଣାକୁ ନିଶ୍ଚିତ କରିଛି। ସେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟର ଉଦ୍ଧେଶ୍ୟରେ ଲେଖିଛନ୍ତି ଯେ ମସ୍କୋରୁ ଗୋଆ ଯାଉଥିବା ଆଜୁର ଏୟାର ବିମାନରେ ଏକ ବିସ୍ଫୋରକ ଉପକରଣ ଖବର ପାଇବା ପରେ ବିମାନଟିକୁ ଜରୁରୀକାଳୀନ ଅବତରଣ କରିବାକୁ ବାଧ୍ୟ ହୋଇଥିଲା। ଏହି ବିମାନ ସୋମବାର ରାତିରେ ଗୁଜୁରାଟର ଜାମନଗରରେ ଜରୁରୀକାଳୀନ ଅବତରଣ କରିଥିଲା ବୋଲି ପୋଲିସ ସୂଚନା ଦେଇଛି।
ଇନ୍ସପେକ୍ଟର ଜେନେରାଲ୍ ପୋଲିସ୍ ଅଶୋକ କୁମାର ଯାଦବ କହିଛନ୍ତି ଯେ , “ମସ୍କୋରୁ ଗୋଆକୁ ଯାଉଥିବା ବିମାନ ବୋମା ଧମକ ପାଇବା ପରେ ଜାମନଗର ବିମାନ ବନ୍ଦରରେ ଜରୁରୀ ଅବତରଣ କରିଥିଲା। ବିମାନ ଅବତରଣ କରିବା ପରେ ସମସ୍ତ ୨୩୬ ଯାତ୍ରୀ ଏବଂ କ୍ରୁ ସଦସ୍ୟଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଥିଲା।
