ଭୁବନେଶ୍ୱର: ପୁଣି ଚର୍ଚ୍ଚାରେ ବଲିଉଡ ଅଭିନେତ୍ରୀ ରାଖୀ ସାୱନ୍ତ । ମୁମ୍ବାଇ ପୋଲିସ ବଲିଉଡର ‘ଡ୍ରାମା କ୍ୱିନ’ ଅଭିନେତ୍ରୀ ରାଖୀ ସାୱନ୍ତକୁ ଗିରଫ କରିଛି ଏବଂ ଥାନାରେ ପୋଲିସ ତାଙ୍କୁ ପଚରାଉଚରା କରୁଛି। ରାଖୀ ସାୱନ୍ତ କିଛି ସମୟ ପୂର୍ବରୁ ମଡେଲ ଶେର୍ଲିନ୍ ଚୋପ୍ରାଙ୍କ ଆପତ୍ତିଜନକ ଫଟୋ ଏବଂ ଭିଡିଓ ପ୍ରଚାର କରିଥିବା ଅଭିଯୋଗ ହୋଇଛି।
ପୋଲିସର ସୂଚନାନୁସାରେ, ଅଭିନେତ୍ରୀ ଶେର୍ଲିନ୍ ଚୋପ୍ରାଙ୍କ ଅଭିଯୋଗ ପରେ ରାଖୀ ସାୱନ୍ତଙ୍କୁ ପଚରାଉଚରା ପାଇଁ ନିରନ୍ତର ଡକାଯାଉଥିଲା, କିନ୍ତୁ ସେ ଆସୁ ନଥିଲେ। ଏହା ପରେ ଆଜି ଏକ ପୋଲିସ ଟିମ୍ ତାଙ୍କ ଘରକୁ ଯାଇ ତାଙ୍କୁ ଅଟକାଇ ଆମ୍ବୋଲି ପୋଲିସ ଷ୍ଟେସନକୁ ଆଣିଥିଲେ। ବର୍ତ୍ତମାନ ରାଖୀ ସାୱନ୍ତଙ୍କୁ ପୋଲିସ ଷ୍ଟେସନରେ ପଚରାଉଚରା କରାଯାଉଛି।
ମୁମ୍ବାଇ ପୋଲିସ କହିଛି ଯେ ଜଣେ ମଡେଲ ଶେର୍ଲିନ୍ ଚୋପ୍ରା ରାଖୀ ସାୱନ୍ତଙ୍କ ବିରୋଧରେ ପୋଲିସ ଅଭିଯୋଗ କରିଛନ୍ତି, ଯାହା ଆଧାରରେ ଆମ୍ବୋଲି ପୋଲିସ ତାଙ୍କୁ ଥାନାରେ ଅଟକ ରଖିଛି । ଗତକାଲି ଅର୍ଥାତ୍ ବୁଧବାର ଦିନ ମୁମ୍ବାଇର ସେସନ୍ସ କୋର୍ଟ ରାଖୀ ସାୱନ୍ତଙ୍କ ଜାମିନ ଆବେଦନ ପ୍ରତ୍ୟାଖ୍ୟାନ କରାଯାଇଥିଲା।
ବାସ୍ତବରେ, କିଛି ଦିନ ପୂର୍ବରୁ ଶେର୍ଲିନ୍ ଚୋପ୍ରା ଅଭିଯୋଗ କରିଥିଲେ ଯେ ରାଖୀ ଏବଂ ତାଙ୍କ ଓକିଲ ଗଣମାଧ୍ୟମ ସମ୍ମୁଖରେ ଅଶ୍ଳୀଳ ଭାଷା ବ୍ୟବହାର କରି ତାଙ୍କ ଅଶ୍ଳୀଳ ଭିଡିଓ ଦେଖାଇଥିଲେ। ଦୁଷ୍କର୍ମ ଏବଂ ଆଇଟି ଆକ୍ଟ ଅନୁଯାୟୀ ମୁମ୍ବାଇ ପୋଲିସ ଉଭୟଙ୍କ ବିରୋଧରେ ମାମଲା ରୁଜୁ କରିଥିଲା।
