ପୁରୀ, ୨୧/୦୧/୨୦୨୩ – ଆଗାମୀ ରଥଯାତ୍ରା ପାଇଁ ପ୍ରଥମ ପ୍ରସ୍ତୁତି ଆରମ୍ଭ ହୋଇଛି । ଏହି କ୍ରମରେ ରଥ କାଠ ପୁରୀକୁ ଆସିଛି । ଆଜି ପ୍ରଥମ ପର୍ଯ୍ୟାୟ ୩ଟି ଗାଡିରେ ରଥକାଠ ପୁରୀରେ ପହଞ୍ଚିଛି । ଯେଉଁଥିରେ ୧୦୪ ଖଣ୍ଡ କାଠ ଥିବା ଜଣାପଡିଛି । ସେଥିମଧ୍ୟରୁ ୭୧ ଖଣ୍ଡ ଅସନ କାଠ, ୩୩ ଖଣ୍ଡ ଧଉରା କାଠ ରହିଛି ।
ଏହିପରି ପର୍ଯ୍ୟାୟ କ୍ରମେ ପୁରୀକୁ ରଥ କାଠ ଆସିବ । ଶ୍ରୀପଞ୍ଚମୀ ଦିନ ବିଧି ପୂର୍ବକ ତିନି ରଥର ୩ଟି ୧୨ ଫୁଟିଆ ଧଉରା କାଠକୁ ଅନୁକୂଳ କରାଯିବ । ମହାପ୍ରଭୁଙ୍କ ରଥଯାତ୍ରା ପାଇଁ ନୟାଗଡ଼ ବନଖଣ୍ଡର ଦଶପଲ୍ଲା ଜଙ୍ଗଲରୁ କାଠ ଆସିବାର ପରମ୍ପରା ଚାଲି ଆସିଛି । ପବିତ୍ର ଅକ୍ଷୟ ତୃତୀୟାରେ ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟର ଶୁଭାରମ୍ଭ ହେବ ।
