ନୂଆଦିଲ୍ଲୀ: ଚାରିଟି ହାଇକୋର୍ଟ ପାଇଁ ମୁଖ୍ୟ ବିଚାରପତି ନିଯୁକ୍ତ କରିଛନ୍ତି କେନ୍ଦ୍ର ସରକାର। ଗୁଜୁରାଟ ହାଇକୋର୍ଟର ପ୍ରଧାନ ବିଚାରପତି ଭାବରେ ଜଷ୍ଟିସ ସୋନିଆ ଗିରିଧର ଗୋକାନିଙ୍କୁ ନିଯୁକ୍ତ କରିବାକୁ କେନ୍ଦ୍ର ସରକାର ଏକ ବିଜ୍ଞପ୍ତି ଜାରି କରିଛନ୍ତି। ଶନିବାର ତାଙ୍କୁ କାର୍ଯ୍ୟକାରୀ ମୁଖ୍ୟ ବିଚାରପତି ଭାବେ ନିଯୁକ୍ତି ପାଇଁ କେନ୍ଦ୍ର ସରକାର ଅନୁମୋଦନ କରିଥିଲେ।
୨୫ ଫେବୃଆରୀରେ ଅବସର ନେବା ପର୍ଯ୍ୟନ୍ତ ଅତି ସ୍ୱଳ୍ପ ସମୟ ପାଇଁ ପ୍ରଧାନ ବିଚାରପତି ନିଯୁକ୍ତ କରିବାକୁ ସୁପ୍ରିମକୋର୍ଟ କଲେଜିୟମର ସୁପାରିଶକୁ ସରକାର ଗ୍ରହଣ କରିଛନ୍ତି। ଏଥି ସହ ରାଜସ୍ଥାନ ହାଇକୋର୍ଟର ଜଷ୍ଟିସ ସନ୍ଦୀପ ମେହେଟ୍ଟାଙ୍କୁ ଗୁଆହାଟୀ ହାଇକୋର୍ଟର ପ୍ରଧାନ ବିଚାରପତି, ଓଡିଶା ହାଇକୋର୍ଟର ଜଷ୍ଟିସ ଜସୱନ୍ତ ସିଂ ତ୍ରିପୁରା ହାଇକୋର୍ଟ ଏବଂ ଗୁଆହାଟୀ ହାଇକୋର୍ଟର ଜଜ୍ ଜଷ୍ଟିସ ଏନ କୋଟିଶ୍ୱର ସିଂଙ୍କୁ ମୁଖ୍ୟ ଭାବରେ ନିଯୁକ୍ତ କରିବାକୁ ବିଜ୍ଞପ୍ତି ଜାରି କରାଯାଇଛି।
ସେହିଭଳି ଫେବୃଆରୀ ୯ ରେ ସୁପ୍ରିମକୋର୍ଟ କଲେଜିୟମ ହାଇକୋର୍ଟର ପ୍ରଧାନ ବିଚାରପତିଙ୍କୁ ପଦୋନ୍ନତି ପାଇଁ ନାମ ସୁପାରିଶ କରିଛନ୍ତି।
