ଭୁବନେଶ୍ୱର: ବିବାହ ସମାରୋହରେ ଝଗଡା ଘଟଣା ସାମ୍ନାକୁ ଆସୁଛି। ବିବାହ ସମାରୋହରେ ଦେଖିବାକୁ ମିଳେ ଯେ ଲୋକମାନେ ଗୋଟିଏ କିମ୍ବା ଅନ୍ୟ ପ୍ରସଙ୍ଗରେ ପରସ୍ପର ସହ ସଂଘର୍ଷ କରନ୍ତି, ଯାହାର ଫଳାଫଳ ଅତି ଭୟଙ୍କର ହୋଇଥାଏ । ଉତ୍ତରପ୍ରଦେଶର ମେନପୁରୀରେ ମଧ୍ୟ ସମାନ ଘଟଣା ଘଟିଛି। ଯାହାକି ସମସ୍ତକୁ ଏକ ପ୍ରକାର ସ୍ତବ୍ଦ କରିଦେଇଛି ।
ଏହି ବିବାହ ସମାରୋହ ମେନପୁରୀର କୁରାୱାଲି କୋତୱାଲୀ ଅନ୍ତର୍ଗତ ବିକାପୁର ଗ୍ରାମରେ ଅନୁଷ୍ଠିତ ହୋଇଥିଲା। ପୋଲିସ କହିଛି ଯେ ରଣବୀର ସିଂ ତାଙ୍କ ଶଳା ରାମକିଶୋରଙ୍କ ସହ ବିକାପୁରକୁ ଆସିଥିଲେ ତାଙ୍କ ଭାଉଜଙ୍କ ଝିଅର ବିବାହ ଉତ୍ସବରେ ଯୋଗ ଦେବାପାଇଁ। ଏହି ସମୟରେ ଗାଁର କିଛି ଯୁବକ ରସଗୋଲା ଭରପୂର ଗୋଟିଏ ବାଲ୍ଟିକୁ ଚୋରି କରି ନେଇଯାଉଥିଲେ।
ଯାହାକୁ ଦେଖିନେଇଥିଲେ ରଣବୀର ସିଂ ଏବଂ ରାମକିଶୋର। ଯେତେବେଳେ ଦୁହେଁ ଯୁବକମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ ସେତେବେଳେ ଅଭିଯୁକ୍ତମାନେ ରଣବୀର ସିଂ ଏବଂ ରାମକିଶୋରଙ୍କୁ ନିର୍ଦ୍ଦୟ ଭାବରେ ମାଡ଼ ମାରିଥିଲେ। ଗୁରୁତର ଆହତ କାରଣରୁ ରଣବୀର ସିଂ ଘଟଣାସ୍ଥଳରେ ହିଁ ଟଳି ପଡ଼ିଥିଲେ।
ରାମକିଶୋରଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲେ। ପୋଲିସ କହିଛି ଯେ ଅଭିଯୁକ୍ତମାନେ ଉକ୍ତ ଗାଁର ରଜତ ଏବଂ ଅଜୟ ବୋଲି ଜଣାପଡିଛି। ଜଣେ ଅଭିଯୁକ୍ତ ଏବେ ବି ଫେରାର ଅଛି। ଏହି ମାମଲାରେ ସମୁଦାୟ ତିନି ଅଭିଯୁକ୍ତଙ୍କୁ ଗିରଫ କରାଯାଇଛି। ପୋଲିସ ଏନେଇ ଏକ ହତ୍ୟାକାଣ୍ଡ ମାମଲା ରୁଜୁ କରି ତଦନ୍ତ କରୁଛି ।
