ଭୁବନେଶ୍ୱର: ଭାରତୀୟ ବଜାରରେ ସୁଲଭ ଏସୟୁଭିର ଚାହିଦା ଦ୍ରୁତ ଗତିରେ ବଢୁଛି। ସବ୍-କମ୍ପାକ୍ଟ ଏସୟୁଭି ସେଗମେଣ୍ଟରେ ଗାଡିର ବିକ୍ରି ବହୁତ ବୃଦ୍ଧି ପାଉଛି । ଜାପାନର ଅଟୋମେକର୍ ନିସାନ୍ ଏହାର SUV ଭାରତରେ ନିସାନ୍ ମ୍ୟାଗ୍ନାଇଟ୍ ନାମରେ ବିକ୍ରି କରୁଛି। କମ୍ପାନୀ ବର୍ତ୍ତମାନ ଏହାର SUV କୁ ଅପଡେଟ୍ କରିଛି। କମ୍ପାନୀ ନୂତନ ମାଗ୍ନାଇଟ୍ ର ମାନକ ସୁରକ୍ଷା ଫିଚର୍ସ ଗୁଡିକୁ ଅପଡେଟ କରିଛି। ବର୍ତ୍ତମାନ ମ୍ୟାଗ୍ନାଇଟ୍ ର ସମସ୍ତ ଭେରିଆଣ୍ଟରେ ଭେକିଲ ଡାଇନାମିକ୍ କଣ୍ଟ୍ରୋଲ୍ (VDC), ହିଲ୍ ଷ୍ଟାର୍ଟ ଆସିଷ୍ଟ୍ (HSA), ଟ୍ରାକ୍ସନ୍ କଣ୍ଟ୍ରୋଲ୍ ସିଷ୍ଟମ୍ (ଟିସିଏସ୍), ହାଇଡ୍ରୋଲିକ୍ ବ୍ରେକ୍ ଆସିଷ୍ଟ୍ (HBA) ଏବଂ ଟାୟାର୍ ପ୍ରେସର ମନିଟରିଂ ସିଷ୍ଟମ୍ (TPMS) ଭଳି ସୁରକ୍ଷା ଫିଚର୍ସ ପାଇବେ। ଏହା ବ୍ୟତୀତ, EBD ସହିତ ABS, ଡୁଆଲ୍ ଫ୍ରଣ୍ଟାଲ୍ ଏୟାରବ୍ୟାଗ, ପଛ ପାର୍କିଂ ସେନ୍ସର ଏବଂ ଫ୍ରଣ୍ଟ ସିଟ୍ ବେଲ୍ଟ ରିମାଇଣ୍ଡର୍ ଭଳି ସୁରକ୍ଷା ଫିଚର୍ସ ମଧ୍ୟ ଉପଲବ୍ଧ।
ଏଣ୍ଟ୍ରି-ଲେଭଲ୍ XE ଭାରିଆଣ୍ଟ ପାଇଁ ନିସାନ୍ ମ୍ୟାଗ୍ନାଇଟ୍ ମୂଲ୍ୟ ୬ ଲକ୍ଷରୁ ଆରମ୍ଭ ହୋଇ ଟପ୍-ଏଣ୍ଡ୍ XV ଟର୍ବୋ ପ୍ରିମିୟମ୍ (ଓ) ଡୁଆଲ୍ ଟୋନ୍ ମଡେଲ୍ ୧୦.୯୪ ଲକ୍ଷ ଟଙ୍କା ( ଏକ୍ସ-ଶୋ’ରୁମ୍) ପର୍ଯ୍ୟନ୍ତ ଯାଏ।
ଗତ ବର୍ଷ ଫେବୃଆରୀରେ, ଏହି ଏସୟୁଭି ଗ୍ଲୋବାଲ୍ ଏନସିଏପି ଦ୍ୱାରା ପରୀକ୍ଷଣ କରାଯାଇଥିଲା, ଯେଉଁଥିରେ ନିସାନ୍ ମ୍ୟାଗ୍ନାଇଟ୍ ବୟସ୍କ ଯାତ୍ରୀଙ୍କ ସୁରକ୍ଷା ପାଇଁ ୪ ତାରକା ଏବଂ ଶିଶୁଙ୍କ ସୁରକ୍ଷା ପାଇଁ ୨ ତାରକା ପାଇଛି।
ଦୁଇଟି ଭିନ୍ନ ଇଞ୍ଜିନ୍ ବିକଳ୍ପ ସହିତ ନିସାନ୍ ମ୍ୟାଗ୍ନାଇଟ୍ ଭାରତରେ ବିକ୍ରି ହୁଏ । ପ୍ରଥମଟି ହେଉଛି ୧ .୦ ଲିଟର ତିନି ସିଲିଣ୍ଡର ପେଟ୍ରୋଲ ଇଞ୍ଜିନ୍, ଯାହା ୭୨ ପିଏସ ଶକ୍ତି ଏବଂ ୯୬ ଏନଏମ ଶିଖର ଟର୍କ ଉତ୍ପାଦନ କରେ। ଦ୍ୱିତୀୟ ଇଞ୍ଜିନ୍ ହେଉଛି ଏକ ୧.୦ ଲିଟର ତିନି ସିଲିଣ୍ଡର ଟର୍ବୋ ପେଟ୍ରୋଲ୍ ଇଞ୍ଜିନ୍ ଯାହା ୧୦୦ ପିଏସ ଶକ୍ତି ଏବଂ ୧୬୦ ଏନଏମ ଟର୍କ ଉତ୍ପାଦନ କରେ।
