ୟୁକ୍ରେନ୍ ଉପରେ ଘନାଉଛି ଋଷର ଆଣବିକ ଆକ୍ରମଣ ଭୟ। ପଡ଼ୋଶୀ ବେଲାଋଷ ସହିତ ଏକ ବଡ଼ ଚୁକ୍ତି କରିଛନ୍ତି ଭ୍ଲାଦିମିର ପୁଟିନ୍ । ଏହି ଚୁକ୍ତି ସାହାଯ୍ୟରେ ଋଷ ଏବେ ବେଲାଋଷ ସୀମାରେ ଟାକ୍ଟିକାଲ ଆଣବିକ ଅସ୍ତ୍ର ମୁତୟନ କରିବ। ରାଷ୍ଟ୍ରପତି ଭ୍ଲାଡିମିର ପୁଟିନ୍ ଶନିବାର ଏହି ଘୋଷଣା କରିଛନ୍ତି। ଏହି ଅବସରରେ ପୁଟିନ୍ କହିଛନ୍ତି କି ଆମେରିକା ଗତ ଦସନ୍ଧି ଧରି ଏହାର ସହଯୋଗୀ ଦେଶ ଗୁଡ଼ିକର ସୀମାରେ ଅଣବିକ ଅସ୍ତ୍ର ମୁତୟନ କରିଛି।
ପୁଟିନ୍ କହିଛନ୍ତି ଯେ, ଋଷ ଏବଂ ବେଲାଋଷ ମଧ୍ୟରେ ସହମତି ହୋଇଛି କି ବିନା କୌଣସି ପରମାଣୁ ଚୁକ୍ତିରେ ପରମାଣୁ ଅସ୍ତ୍ରର ପ୍ରଶାର ନିୟମ ଉଲଂଘନରେ ଏପରି କରାଯିବ। ପୁଟିନ କହିଛନ୍ତି ଯେ ବେଲାଋଷ ରାଷ୍ଟ୍ରପତି ଆଲେକ୍ସଜାଣ୍ଡାର୍ ଲୁକାଶେଙ୍କୋ ଦୀର୍ଘ ଦିନ ଧରି ଦେଶରେ ପରମାଣୁ ଅସ୍ତ୍ର ନିୟୋଜନ କରିବାକୁ କହୁଥଲେ। ବେଲାଋଷ ସୀମା ପୋଲାଣ୍ଡ ସହିତ ଅଛି, ଯାହା ନାଟୋର ସଦସ୍ୟ ଅଟେ।
ଜୁଲାଇ ୧ ସୁଦ୍ଧା ବେଲାଋଷରେ ଆଣବିକ ଅସ୍ତ୍ର ରଖିବା ପାଇଁ ଋଷ ଏକ ରିଜର୍ଭ ଫାସିଲିଟି ନିର୍ମାଣ କାର୍ଯ୍ୟ ଶେଷ କରିବ। ତେବେ ବେଲାଋଷ ପ୍ରତ୍ୟକ୍ଷ ରୂପେ ଆଣବିକ ଅସ୍ତ୍ର ନିୟନ୍ତ୍ରଣକୁ ହସ୍ତାନ୍ତର କରିବ ନାହିଁ ବୋଲି ପୁଟିନ କହିଛନ୍ତି। ପୁଟିନ କହିଛନ୍ତି ଯେ ଋଷ ବେଲାଋଷକୁ ଆଣବିକ ଅସ୍ତ୍ରଶସ୍ତ୍ର ପରିବହନ ପାଇଁ ୧୦ ଟି ବିମାନ ନିୟୋଜିତ କରିସାରିଛି। ଏହା ସହିତ ଋଷ ବେଲାଋଷକୁ ଇସ୍କାଣ୍ଡର ଟ୍ୟାକ୍ଟିକାଲ୍ ମିସାଇଲ୍ ସିଷ୍ଟମ ମଧ୍ୟ ପଠାଇଛି, ଯାହା ପରମାଣୁ ଅସ୍ତ୍ରଶସ୍ତ୍ର ଉତକ୍ଷେପଣରେ ବ୍ୟବହୃତ ହୋଇପାରିବ।
