ନୂଆଦିଲ୍ଲୀ() କରୋନାର ନୂଆ ଲହର ଆସିବା ନେଇ ଆଶଙ୍କା ଦେଖାଦେଇଛି । ଏହାମଧ୍ୟରେ ସରକାର ଏକ ବଡ ନିଷ୍ପତ୍ତି ନେଇଛନ୍ତି । ଏବେ ୬ରୁ ୧୨ ବର୍ଷର ଶିଶୁଙ୍କୁ କୋଭାକ୍ସିନ୍ ଟିକା ଦିଆଯିବ ବୋଲି ନିଷ୍ପତ୍ତି ନିଆଯାଇଛି ।
ସୂଚନାନୁସାରେ, କରୋନାର ବିଭିନ୍ନ ଲହରରେ ଛୋଟ ପିଲା ଓ ଶିଶୁ ବେଶୀ ସଂକ୍ରମିତ ହେଉଥିବା ନଜର ଆସୁଛି । ଓମିକ୍ରନରେ ଅଧିକ ଶିଶୁ ପଜିଟିଭ୍ ହୋଇଥିଲେ । ଏବେ ଏକ୍ସଇ ଭାରିଆଣ୍ଟ ପିଲାଙ୍କୁ ଅଧିକ ସଂକ୍ରମିତ କରିବା ସମ୍ଭାବନା ରହିଛି ।
ଏହାମଧ୍ୟରେ ଡିସିଜିଆଇ ସ୍ଥିତିକୁ ଗୁରୁତର ସହ ନେଇ ପିଲାଙ୍କୁ ଟିକାକରଣ ପାଇଁ ଅନୁମତି ପ୍ରଦାନ କରିଛନ୍ତି । ଏବେ ପିଲାଙ୍କୁ କୋଭାକ୍ସିନ୍ ଟିକା ଦିଆଯିବ । ଯାହା ପିଲାଙ୍କୁ ସଂକ୍ରମଣରୁ ସୁରକ୍ଷା ଯୋଗାଇବ ବୋଲି କୁହାଯାଉଛି ।
