ଚାଲିଥିଲା ପ୍ରଚାର । ଚେତାଶୂନ୍ୟ ହୋଇପଡିଲେ ମୁଖ୍ୟମନ୍ତ୍ରୀଙ୍କ ଝିଅ । ଏ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ କିଛି ଦିନ ତଳେ ଭାଇ ଗାଡିରୁ ଖସିପଡିଥିବା ବେଳେ ଏବେ ଝିଅ ହୋସଲେସ ହୋଇପଡିଛନ୍ତି ।
ସପ୍ତାହେ ତଳେ ପ୍ରଚାର ବେଳେ ସିଧା ଗାଡିରୁ ଓଲଟି ପଡିଥିଲେ ମୁଖ୍ୟମନ୍ତ୍ରୀଙ୍କ ପୁଅ । ଏବେ ସମାନ ଭାବେ ଆଉ ଏକ ଘଟଣା ସାମ୍ନାକୁ ଆସିଛି । ତେଲଙ୍ଗନା ମୁଖ୍ୟମନ୍ତ୍ରୀଙ୍କ ପୁଅ କେଟିଆର ଗାଡିରୁ ଓଲଟି ପଡିବା ପରେ ଏବେ ଝିଅ କେ କବିତାଙ୍କ ଚେତାଶୂନ୍ୟ ଭିଡିଓ ଭାଇରାଲ ହେବାରେ ଲାଗିଛି ।
ଏଠାରେ କହିରଖୁଛୁ ଆସନ୍ତା ୩୦ରେ ତେଲଙ୍ଗନାରେ ଭୋଟ । ଏନେଇ ଚାଲିଛି ଜୋରଦାର ପ୍ରଚାର । ଏହି ଅବସରରେ ଶନିବାର ଇତିକ୍ୟାଲ୍ ଅଞ୍ଚଳରେ କେ.କବିତା କରିଥିଲେ ରୋଡ୍ ଶୋ । ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓଙ୍କ ପାଇଁ ପ୍ରଚାର କରିଥିଲେ ଝିଅ କେ.କବିତା ।
ବସ୍ ବାଲକୋନିରେ ଠିଆ ହୋଇ ଭୋଟରଙ୍କୁ ଆକୃଷ୍ଟ କରିବା ପାଇଁ ଚଳାଇଥିଲେ ପ୍ରଚାର। କିନ୍ତୁ ପ୍ରଚାର ବେଳେ ହଠାତ ହରାଇଥିଲେ ଚେତା । ଏହି ସମୟରେ ଚେତାଶୂନ୍ୟ ହୋଇ ତଳେ ପଡିଯାଇଥିଲେ କେ.କବିତା । ତେବେ ଡିହାଇଡ୍ରେସନ୍ ଯୋଗୁ ସେ ଅଚେତ ହୋଇପଡିଥିବା ଜଣାପଡିଛି ।
