ବିଶ୍ୱକପ ହାରିଲା ଭାରତ । ଯାହାଫଳରେ କୋଟି କୋଟି ଭାରତୀୟଙ୍କ ଭାଙ୍ଗିଦେଲା ହୃଦୟ । କିନ୍ତୁ ଏବେ ଏହି ଖେଳକୁ ନେଇ ରାଜନୀତିରେ ଚର୍ଚ୍ଚା ଜୋର । କାରଣ ଭାରତ ମ୍ୟାଚ ହାରିବା ପଛରେ ଅନ୍ୟ କିଛି ନୁହଁ ବରଂ ରହିଛି ରାଜନୈତିକ ପ୍ରଭାବ । ଯାହାକୁ ନେଇ ମୁହାଁମୁହିଁ ହୋଇଛନ୍ତି ବିଜେପି ଓ କଂଗ୍ରେସ । ତେବେ ରାହୁଲଙ୍କ ପନୋତି ମନ୍ତବ୍ୟ ପରେ ଏବେ ବିଜେପି ଦେଇଛି କଡା ରିଆକ୍ସନ । ମ୍ୟାଚ ହାରିବା ପଛରେ ଗାନ୍ଧୀ ପରିବାରର ଜନ୍ମ ଦିନକୁ ସେ ଦାୟୀ କରିଛନ୍ତି । ସେଦିନ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧୀଙ୍କ ଜନ୍ମ ଦିନ ଥିବାରୁ ଭାରତ ବିଶ୍ୱକପ ହାରିଲା ବୋଲି କହିଛି ବିଜେପି । ଏପରି କହି କଂଗ୍ରେସକୁ ଜବାବ ଦେଇଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ।
ତେବେ ନଭେମ୍ବର ୧୯ ରେ ଅନୁଷ୍ଠିତ କ୍ରିକେଟ୍ ବିଶ୍ୱକପ୍ରେ ପରାଜୟ ବରଣ କରିଥିଲା ଭାରତ । ପରେ କଂଗ୍ରେସ ନେତା ରାହୁଲ ଗାନ୍ଧୀ ମୋଦୀଙ୍କୁ ‘ପନୋତି ବୋଲି କହିଥିଲେ ଏବଂ ମୋଦି ଷ୍ଟାଡିୟମରେ ପ୍ରବେଶ କରିବା ଦ୍ୱାରା ଭାରତ ମ୍ୟାଚ୍ ହାରିଯାଇଥିବା ଅଭିଯୋଗ କରିଥିଲେ। ପରଠାରୁ‘ପନୋତି ଶବ୍ଦ ଇଣ୍ଟରନେଟରେ ଟ୍ରେଣ୍ଡ କରୁଛି।
