ମହାରାଷ୍ଟର: ରାଜନୀତିକୁ ଆସିବେ ଅଜିତ ପାୱାରଙ୍କ ସାନ ପୁଅ ଜୟ ପାୱାର । ଏବେ ଏଭଳି ଚର୍ଚ୍ଚା ମହାରାଷ୍ଟ୍ର ରାଜନୀତିରେ । ଆଗାମୀ ବିଧାନସଭା ନିର୍ବାଚନରେ ଅଜିତ ପ୍ରତିଦ୍ୱନ୍ଦିତା କରିବା ନେଇ ଆଗ୍ରହୀ ନଥିବା ବେଳେ ବଦଳରେ ସାନ ପୁଅ ଜୟଙ୍କୁ ରାଜନୀତି ମଇଦାନରେ ଓହ୍ଲାଇ ପାରନ୍ତି ।
ସେପଟେ ଅଜିତଙ୍କ ସାନ ଭାଇ ଶ୍ରୀନିବାସଙ୍କ ମଧ୍ୟ ଏନସିପିରୁ ନିଜ ପୁଅ ଯୁଗେନ୍ଦ୍ର ପାୱାରଙ୍କୁ ଫିଲ୍ଡକୁ ଆଣିପାରନ୍ତି । ଯାହା କୁହାଯାଉଛି ଶରଦ ପାୱାରଙ୍କ ସମର୍ଥନରେ ଯୁଗେନ୍ଦ୍ରଙ୍କୁ ପ୍ରାର୍ଥୀ କରାଯିବ । ଯଦି ଏପରି ହୁଏ ତେବେ ଆଗାମୀ ଦିନରେ ଆଉ ଏକ ପାୱାର ଭର୍ସେସ୍ ପାୱାର ଲଢେଇ ଦେଖିବାକୁ ମିଳିବ ।
ଏହା ପୂର୍ବରୁ ଚଳିତ ବର୍ଷ ଲୋକସଭା ନିର୍ବାଚନରେ ଅଜିତଙ୍କ ପତ୍ନୀ ସୁପ୍ରିୟା ସୁଲେ ଏବଂ ଶରଦ ପାୱାରଙ୍କ ଝିଅ ସୁନୀତ୍ର ପାୱାର ବାରାମାଟିରେ ପରସ୍ପର ବିରୋଧରେ ପ୍ରାର୍ଥୀ ହୋଇଥିଲେ । ଯେଉଁଥିରେ ସୁଲେ ୧.୫ ଲକ୍ଷ ଭୋଟରେ ପରାସ୍ତ କରିଥିଲେ। ତେବେ ଜୟଙ୍କୁ ପ୍ରାର୍ଥୀ କରିବା ନେଇ ଅଜିତ କହିଛନ୍ତି ଆମେ ଗଣତନ୍ତ୍ରରେ ବାସ କରୁଛୁ ଏବଂ ଜୟ ଏକ ସୁଯୋଗ ଦେବୁ। ମୁଁ ଆଉ ଆଗ୍ରହୀ ନୁହେଁ, ସାତ-ଆଠ ଥର ପ୍ରତିଦ୍ୱନ୍ଦ୍ୱିତା କରିସାରିଛି ।
ତେଣୁ ଯଦି ଅନ୍ୟ ସ୍ଥାନୀୟ କର୍ମୀମାନେ ଆଗ୍ରହୀ ହୁଅନ୍ତି ତାହେଲେ ଦଳର ସଂସଦୀୟ ବୋର୍ଡ ବାରାମାଟୀରୁ ତାଙ୍କ ସମ୍ପର୍କରେ ନିଷ୍ପତ୍ତି ନେବେ। ତେବେ ତେବେ ମହାରାଷ୍ଟ୍ର ରାଜନୀତିରେ ଏହି ଚର୍ଚ୍ଚା ଆଗକୁ କେଉଁ ଆଡ଼େ ଯାଉଛି ତାହା ଦେଖିବାକୁ ବାକି ରହିଲା
