ନୂଆଦିଲ୍ଲୀ: ବରିଷ୍ଠ ଜେଡିୟୁ ନେତା କେ.ସି ତ୍ୟାଗୀ ରବିବାର ଦଳର ଜାତୀୟ ମୁଖପାତ୍ର ପଦରୁ ଇସ୍ତଫା ଦେଇଛନ୍ତି। ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଲେଖିଥିବା ପତ୍ରରେ ତ୍ୟାଗୀ ତାଙ୍କ ଇସ୍ତଫା ପାଇଁ ବ୍ୟକ୍ତିଗତ କାରଣ ଉଲ୍ଲେଖ କରିଛନ୍ତି ।
ତେବେ ବିଭିନ୍ନ ପ୍ରସଙ୍ଗରେ ତାଙ୍କର ନିକଟରେ ଦେଇଥିବା ବିବୃତ୍ତିରେ ନେତୃତ୍ୱଙ୍କ ଅସନ୍ତୋଷ ହେତୁ ଇସ୍ତଫା ଦିଆଯାଇଥିବା ଦଳ ସୂତ୍ରରୁ ପ୍ରକାଶ । ରାଜୀବ ରଂଜନ ପ୍ରସାଦ ବର୍ତ୍ତମାନ ଜେଡିୟୁ ର ଜାତୀୟ ମୁଖପାତ୍ର ହେବେ।
ଦଳର ସାଧାରଣ ସମ୍ପାଦକ ଆଫାକ ଅହମ୍ମଦ ଖାନ ଆଜି ଏକ ଚିଠି ଜାରି କରି ଏ ସମ୍ପର୍କରେ ସୂଚନା ଦେଇଛନ୍ତି । ଜେଡିୟୁ ସାଧାରଣ ସମ୍ପାଦକ ଆଫାକ ଅହମ୍ମଦ ଖାନଙ୍କ ଦ୍ୱାରା ଦିଆଯାଇଥିବା ଚିଠିରେ ଲେଖାଯାଇଛି ଯେ, ‘ଜନତା ଦଳର ରାଷ୍ଟ୍ରୀୟ ସଭାପତି ନୀତୀଶ କୁମାର ରାଜୀବ ରଂଜନ ପ୍ରସାଦଙ୍କୁ ଜାତୀୟ ମୁଖପାତ୍ର ପଦରେ ନିଯୁକ୍ତ କରିଛନ୍ତି ।
କେସି ତ୍ୟାଗୀ ବ୍ୟକ୍ତିଗତ କାରଣରୁ ଦଳର ମୁଖପାତ୍ର ପଦରୁ ଇସ୍ତଫା ଦେଇଛନ୍ତି । ପ୍ରକାଶ ଯେ, କେସି ତ୍ୟାଗୀ ଜେଡିୟୁ ର ଜଣେ ବରିଷ୍ଠ ଏବଂ ଶକ୍ତିଶାଳୀ ନେତା ଭାବରେ ବିବେଚନା କରାଯାଏ । ମୁଖ୍ୟମନ୍ତ୍ରୀ ନୀତୀଶଙ୍କର ସେ ଅତି ଘନିଷ୍ଠ ।
ପ୍ରତ୍ୟେକ ପ୍ରସଙ୍ଗରେ ସେ ଖୋଲାଖୋଲି ଭାବେ ନିଜର ମତ ପ୍ରକାଶ କରନ୍ତି । ଏଥି ସହିତ ବିହାର ବିଧାନସଭା ନିର୍ବାଚନ ପୂର୍ବରୁ କେସି ତ୍ୟାଗୀ ଜାତୀୟ ମୁଖପାତ୍ର ପଦରୁ ଇସ୍ତଫା ଦେବା ଦଳ ପାଇଁ ଏକ ଝଟକା ବୋଲି ବିବେଚନା କରାଯାଉଛି ।
ଗୋଟିଏ ପଟେ ମୁଖ୍ୟମନ୍ତ୍ରୀ ନୀତୀଶ ଆଜିକାଲି ପାର୍ଟୀରେ ବହୁତ ସକ୍ରିୟ ଥିବା ଜଣାପଡିଛି । ଗୋଟିଏ ପଟେ ପଦାଧିକାରମାନଙ୍କର ଲଗାତାର ପରିବର୍ତ୍ତନ କରି ସଂଗଠନକୁ ମଜବୁତ କରିବାକୁ ଚେଷ୍ଟା କରୁଥିବା ବେଳେ ଅନ୍ୟପକ୍ଷରେ କେସି ତ୍ୟାଗୀଙ୍କ ଇସ୍ତଫା ଦଳ ପାଇଁ କ୍ଷତିକାରକ ହୋଇପାରେ । ଏଥି ସହିତ, କିଛି ଦିନ ପୂର୍ବରୁ କେସି ତ୍ୟାଗୀ ଇସ୍ରାଏଲ ପ୍ରସଙ୍ଗରେ ବିରୋଧୀଙ୍କ ସହ ହାତ ମିଶାଇଥିଲେ ।
ପ୍ରଧାନମନ୍ତ୍ରୀ ମୋଦୀଙ୍କୁ ପରାମର୍ଶ ଦେବାବେଳେ ସେ କହିଥିଲେ ଯେ, କେନ୍ଦ୍ର ସରକାର ତୁରନ୍ତ ସେ ଇସ୍ରାଏଲକୁ ଅସ୍ତ୍ରଶସ୍ତ୍ର ଯୋଗାଣ ବନ୍ଦ କରିବାକୁ କେନ୍ଦ୍ରକୁ ଅନୁରୋଧ କରିଥିଲେ ଏବଂ ଗାଜାରେ ଭାରତ ଶାନ୍ତି ଏବଂ ଅସ୍ତ୍ରବିରତି ଉଲ୍ଲଂଘନକୁ ସମର୍ଥନ କରୁଥିବା କହିଥିଲେ । ଏବେ ତାଙ୍କ ଇସ୍ତଫା ସାମ୍ନାକୁ ଆସିଛି । ଏହି କାରଣରୁ ଜେଡିୟୁ ସମ୍ବନ୍ଧରେ ରାରାଜନୈତିକ ମହଲାରେ ବିଭିନ୍ନ ପ୍ରକାରର ଆଲୋଚନା ଆରମ୍ଭ ହୋଇଛି ।
