ନୂଆଦିଲ୍ଲୀ: କଂଗ୍ରେସ ସାଂସଦ ରାହୁଲ ଗାନ୍ଧୀ ଆମେରିକା ଯାଇଛନ୍ତି l ଜାତୀୟ ଗଣମାଧ୍ୟମରେ ଦେଇଥିବା ବିବୃତ୍ତି ଯୋଗୁଁ ସେ ସର୍ବଦା ଚର୍ଚ୍ଚାରେ ରାହୁଲ । ଆମେରିକାରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଭାଜପା ଏବଂ ଆରଏସଏସ ଉପରେ କଡ଼ା ଆକ୍ରମଣ କରିଛନ୍ତି ।
ଏସବୁ ମଧ୍ୟରେ ସେ ଏକ ଭବିଷ୍ୟବାଣୀ ମଧ୍ୟ କରିଛନ୍ତି ଯାହା ବିଷୟରେ ଅନେକ ଆଲୋଚନା ହେଉଛି । ଆମେରିକାରେ ରାହୁଲ ଗାନ୍ଧୀ ହରିୟାଣା ଏବଂ ଜମ୍ମୁ-କଶ୍ମୀର ବିଧାନସଭା ନିର୍ବାଚନ ସମ୍ପର୍କରେ ଏକ ବଡ଼ କଥା କହିଛନ୍ତି । ସେ କହିଛନ୍ତି , ଆମେ ନିଶ୍ଚିତ ଯେ ଏହି ଦୁଇଟି ସ୍ଥାନରେ ଆମେ ବିଜେପି ବିରୋଧରେ ନିର୍ବାଚନ ଲଢିବୁ ଏବଂ ଜିତିବୁ । ଆସନ୍ତା ଦୁଇ ତିନି ମାସ ମଧ୍ୟରେ ଆମେ ଏହି ନିର୍ବାଚନରେ ଜିତିବୁ ।
ରାହୁଲ ଗାନ୍ଧୀ ଆହୁରି ମଧ୍ୟ କହିଛନ୍ତି ଯେ ବିଜେପି ଏବଂ ଆରଏସଏସ ଆମ ଅନୁଷ୍ଠାନରେ ଯେଉଁ କ୍ଷତି ପହଞ୍ଚାଇଛନ୍ତି, ତାହା ହଟାଇବା ଏକ ବଡ ସମସ୍ୟା ଏବଂ ଏହାର ସମାଧାନ ମଧ୍ୟ ସହଜ କିନ୍ତୁ ଶୀଘ୍ର କରାଯିବ ନାହିଁ। ଏଥିପାଇଁ କିଛି ସମୟ ଲାଗିବ, କିନ୍ତୁ ଆମେ ନିଶ୍ଚିତ ଭାବେ ବିଜେପିକୁ ପରାସ୍ତ କରିବୁ।
