ନୂଆଦିଲ୍ଲୀ: ବିଜେପି ସାଂସଦ କଙ୍ଗନା ରଣାୱତଙ୍କ ସମସ୍ୟା ବଢିପାରେ । ଏନେଇ କଙ୍ଗନା ରଣାୱତଙ୍କ ବିବୃତ୍ତି ଆଧାରରେ ଓକିଲ ଆଗ୍ରା କୋର୍ଟରେ ଏକ ମାମଲା ଦାୟର କରିଛନ୍ତି। ଦେଶଦ୍ରୋହ ତଥା ଦେଶ ପ୍ରତି ଅପମାନ ଅଭିଯୋଗରେ ଆଗ୍ରା କୋର୍ଟରେ କଙ୍ଗନା ରଣାୱତଙ୍କ ବିରୋଧରେ ଏକ ମାମଲା ଦାୟର କରାଯାଇଛି l
ଯେଉଁଥିରେ ସେପ୍ଟେମ୍ବର ୧୭ ତାରିଖରେ ଅଭିଯୋଗକାରୀଙ୍କ ଓକିଲଙ୍କ ବିବୃତ୍ତି ରେକର୍ଡ ହେବ। କଙ୍ଗନା ରଣାୱତଙ୍କ ବିରୋଧରେ ମକଦ୍ଦମା ଦାୟର କରିଥିବା ଆଡଭୋକେଟ୍ ରାମଶଙ୍କର ଶର୍ମା କହିଛନ୍ତି ଯେ, ୨୦୨୦ ଏବଂ ୨୦୨୧ ମସିହାରେ ଦିଲ୍ଲୀ ସୀମାରେ ଧର୍ମଘଟରେ ବସିଥିବା ଲକ୍ଷ ଲକ୍ଷ କୃଷକଙ୍କ ପ୍ରତି ଫିଲ୍ମ ଅଭିନେତ୍ରୀ ତଥା ସାଂସଦ କଙ୍ଗନା ରଣାୱତ ଅତ୍ୟନ୍ତ ଅଶ୍ଳୀଳ ମନ୍ତବ୍ୟ ଦେଇ ସେମାନଙ୍କୁ ହତ୍ୟାକାରୀ ଏବଂ ବଳାତ୍କାରୀ ଅଭିଯୋଗ ଲଗାଇଥିଲେ ଏବଂ ୧୬ ନଭେମ୍ବର ୨୦୨୧ରେ ଜାତିର ପିତା ମହାତ୍ମା ଗାନ୍ଧୀଙ୍କ ଅହିଂସା ନୀତିକୁ ପରିହାସ କରିଥିଲେ l
ଯେଉଁଥିପାଇଁ ଦେଶଦ୍ରୋହ ତଥା ଦେଶକୁ ଅପମାନିତ କରିଥିବାରୁ ସ୍ୱତନ୍ତ୍ର କୋର୍ଟ ସାଂସଦ ବିଧାୟକଙ୍କ ନିକଟରେ କଙ୍ଗନା ରଣାୱତଙ୍କ ବିରୋଧରେ ଏକ ମାମଲା ଦାୟର କରାଯାଇଛି । ତେବେ ଚଳଚ୍ଚିତ୍ର ଅଭିନେତ୍ରୀ କଙ୍ଗନା ରଣାୱତଙ୍କ ଉପରେ ଆଗ୍ରା କୋର୍ଟ କେଉଁ କାର୍ଯ୍ୟାନୁଷ୍ଟାନ ଗ୍ରହଣ କରୁଛନ୍ତି, ତାହା ଦେଖିବାକୁ ବାକିରହିଲା l
