ଭୁବନେଶ୍ୱର: ମହଙ୍ଗା ପଡ଼ିଲା ଅନଲାଇନ ଗେମ୍ । ଜୀବନ ହାରିଲେ ଯୁବକ । ରାଜଧାନୀରେ ଯୁବକଙ୍କ ମୃତୁ୍ୟ ଘଟଣା ସାମ୍ନାକୁ ଆସିଛି । ମୃତକ ଜଣଙ୍କ ପୁରୁଣା ଭୁବନେଶ୍ୱର ବଡ଼ୁସାହିର ଶଶାଙ୍କ ଶତପଥୀ ବୋଲି ଜଣାପଡ଼ିଛି । ଶଶାଙ୍କ ଅନଲାଇନ୍ ଗେମ୍ ଖେଳି ହାରିବା ପରେ ଜୀବନ ହାରିଥିବା ଜଣାପଡ଼ିଛି । ଭୁବନେଶ୍ୱର ବଡ଼ୁସାହିର ଯୁବକ ଶଶାଙ୍କ ଶତପଥୀଙ୍କର ଝୁଲନ୍ତା ମୃତଦେହ ଉଦ୍ଧାର ହୋଇଛି ।
ଖବର ପାଇ ଲିଙ୍ଗରାଜ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ କ୍ୟାପିଟାଲ ହସ୍ପିଟାଲକୁ ପଠାଇଛି । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ତେବେ ଅନଲାଇନ୍ ଗେମ୍ ପାଇଁ ଯୁବକ ଜଣଙ୍କ ଜୀବନ ହାରିଥିବା ଡିସିପି କହିଛନ୍ତି । ଅନଲାଇନ୍ ଗେମ୍ରେ କିଛି କ୍ଷୟକ୍ଷତି ହୋଇଥିବା କାରଣରୁ ଏଭଳି ନିଷ୍ପତ୍ତି ନେଇଥିବା ସନ୍ଦେହ କରାଯାଉଥିବା ଡିସିପି କହିଛନ୍ତି ।
