ଭୁବନେଶ୍ୱର: ଅଦିନିଆ ବର୍ଷା ଆଣିଛି ଚିନ୍ତା । ଚାଷୀଙ୍କ ମୁଣ୍ଡରେ ପଡିଛି ଚଡ଼କ । କେଉଁଠି ବିଲରେ ପାଚିଲା ଧାନ ଗଜା ହୋଇଗଲାଣି ତ ଆଉ କେଉଁଠି କଂଚା ପରିବା ନଷ୍ଟ ହୋଇଗଲାଣି । ଏହାରି ଭିତରେ ଉଜୁଡା ଫସଲ ଦେଖି ଚାଷୀ ମୃତ୍ୟୁ ହେବା ପରେ ସାରା ରାଜ୍ୟରେ ଆଲୋଡନ। ପୁରୀ ସାଖୀଗୋପାଳ ଓ କେନ୍ଦ୍ରାପଡ଼ା ଡେରାବିସ୍ରେ ଚାଷୀ ମୃତ୍ୟୁ ହୋଇଥିଲେ ବି ଏପର୍ୟ୍ୟନ୍ତ ପ୍ରଶାସନ ପକ୍ଷରୁ ଚାଷୀଙ୍କ ପରିବାର ପାଇଁ କୌଣସି ବ୍ୟବସ୍ଥା କରାଯାଇ ନାହିଁ । କେବଳ ପ୍ରଶାସନିକ ଅଧିକାରୀ ଯାଇ ସମବେଦନା ଜଣାଇଛନ୍ତି। ଚାଷୀମୃତୁ୍ୟ ଏବେ ସବୁଠି ବିତର୍କର ବିଷୟ ହୋଇଥିବା ବେଳେ ପ୍ରଶାସନ ଚାଷୀଙ୍କ ଦୁଃଖ ବୁଝିପାରୁଛି କି ନାହିଁ ତାହା ଦେଖିବା ବାକି ରହିଲା ।
