ନୂଆଦିଲ୍ଲୀ: ପାଖେଇ ଆସୁଛି ଦିଲ୍ଲୀ ନିର୍ବାଚନ । ବିଜୟ ମୁକୁଟ ପିନ୍ଧିବା ପାଇଁ ସବୁ ଦଳ ପକ୍ଷରୁ ଜୋରଦାର ଚାଲିଛି କସରତ ।ଏହି ରେସରେ କଂଗ୍ରେସ ମଧ୍ୟ ପଛରେ ପଡିନାହିଁ । ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ପ୍ରତିଶ୍ରୁତି ଦେଉଛି ଦଳ । କଂଗ୍ରେସ ଫୋକସରେ ଅଛନ୍ତି ମହିଳା । ସରକାରକୁ ଆସିଲେ ଡିବିଟି ଜରିଆରେ ମହିଳାଙ୍କୁ ମାସକୁ ଅଢେଇ ହଜାରରୁ ୩ ହଜାର ପର୍ୟ୍ୟନ୍ତ ଟଙ୍କା ମିଳିବ ବୋଲି କୁହାଯାଇଛି । ଏପରିକି ସରକାରକୁ ଆସିଲେ ରାଜ୍ୟର ପ୍ରତି ଲୋକଙ୍କ ଲାଗି ସ୍ବାସ୍ଥ୍ୟବୀମା କରାଯିବାର ବ୍ୟବସ୍ଥା କରାଯିବ ।
ଏଥର ଦିଲ୍ଲୀରେ ବିଧାନସଭା ନିର୍ବାଚନ ହେଉଥିବାରୁ ପ୍ରତି ଦଳ ପକ୍ଷରୁ ଚାକିରିକୁ ଗୁରୁତ୍ବ ଦିଆଯାଉଛି । ଦିଲ୍ଲୀରେ ଏବେ ବି ଅନେକ ଲୋକ ଅଛନ୍ତି ଯେଉଁମାନେ ଗରିବ ଥିବା ପରେ ରାସନ କାର୍ଡ ପାଉନାହାନ୍ତି । ତେଣୁ ସମସ୍ତଙ୍କୁ ରାସନ କାର୍ଡ ଦେବାକୁ କଂଗ୍ରେସ ଘୋଷଣା କରିଛି । ଏମିତି ପ୍ରତିଶ୍ରୁତି ବର୍ଷା ପରେ କଂଗ୍ରେସ ସପକ୍ଷରେ ଅଧିକ ଭୋଟ ପଡ଼ିବା ନେଇ ଦଳର ନେତା ଆଶା ରଖିଛନ୍ତି ।
