ନୂଆଦିଲ୍ଲୀ: ଆଜି ବାଜିବ ବିଗୁଲ । ଘୋଷଣା ହେବ ତାରିଖ । ଦିଲ୍ଲୀ ନିର୍ବାଚନ ପାଇଁ ଆଜି ଫାଇନାଲ ଘୋଷଣା । ଅହରାହ୍ନ ୨ଟା ବେଳେ ଆଜି ନିର୍ବାଚନ କମିଶନ ବିଧିବଦ୍ଧ ଭାବେ ତାରିଖ ଘୋଷଣା କରିବେ । ସାମ୍ବାଦିକ ସମ୍ମିଳନୀ ଜରିଆରେ ନିର୍ବାଚନ ତାରିଖ ଘୋଷଣା କରିବେ । ଦିଲ୍ଲୀର ୭୦ ବିଧାନସଭା ଆସନ ପାଇଁ ହେବ ତାରିଖ ଘୋଷଣା । ଆସନ୍ତା ଫେବ୍ରୁଆରୀ ମାସରେ ନିର୍ବାଚନ ହେବାର ସମ୍ଭାବନା ରହିଛି । ଏଥର ଦିଲ୍ଲୀ ନିର୍ବାଚନରେ ଆମ ଆଦମୀ ପାର୍ଟି, ଭାରତୀୟ ଜନତା ପାର୍ଟି ଓ କଂଗ୍ରେସ ଭିତରେ ତ୍ରିକୋଣୀୟ ଲଢେଇ ଦେଖିବାକୁ ମିଳିପାରେ । ଏହା ପୂର୍ବରୁ ସୋମବାର ଚୂଡାନ୍ତ ଭୋଟର ତାଲିକା ଦେଇଥିଲେ ନିର୍ବାଚନ କମିଶନ୍ । ଏଥର ଦିଲ୍ଲୀରେ ମୋଟ୍ ୧ କୋଟି ୫୫ ଲକ୍ଷ ୨୪ ହଜାର ୮୫୮ ଭୋଟର ରହିଛନ୍ତି ।
