ପୁରୀ: ବନ୍ଦ ରହିବ ରତ୍ନଭଣ୍ଡାର ମରାମତି କାର୍ଯ୍ୟ । ୪ ଦିନ ପାଇଁ ଏହି କାର୍ଯ୍ୟରେ ଲାଗିବ ବିରାମ । ଶ୍ରୀମନ୍ଦିରରେ ଶ୍ରୀଜିଉଙ୍କର ବିଶେଷ ନୀତିକାନ୍ତି ପାଇଁ ମରାମତି କାର୍ଯ୍ୟରେ ଲାଗିବ ବିରତି । ଆଗକୁ ଶ୍ରୀପଞ୍ଚମୀ ଓ ବନକଲାଗି ନୀତି ଅନୁଷ୍ଠିତ ହେବ । ଯେଉଁଥି ପାଇଁ ଫେବୃଆରୀ ୨ରୁ ୬୭ ତାରିଖ ପର୍ଯ୍ୟନ୍ତ ୪ ଦିନ ଶ୍ରୀମନ୍ଦିର ରତ୍ନଭଣ୍ଡାର ମରାମତି କାମକୁ ସ୍ଥଗିତ କରାଯିବ । ଏହି ୪ ଦିନକୁ ଛାଡ଼ିଦେଲେ ଅନ୍ୟ ଦିନମାନଙ୍କରେ ରାଜ୍ୟ ସରକାରଙ୍କ ଅନୁମୋଦିତ ମାର୍ଗଦର୍ଶିକା ଏବଂ ଶ୍ରୀମନ୍ଦିର ପ୍ରଶାସନ ବ୍ୟବସ୍ଥା ଅନୁସାରେ ରତ୍ନଭଣ୍ଡାର ସ୍ୱାଭାବିକ ଭାବେ ମରାମତି କାମ ଜାରି ରହିବ । ଏଥିପାଇଁ ସମସ୍ତଙ୍କ ସହଯୋଗ କାମନା କରିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଶ୍ରୀମନ୍ଦିର ପ୍ରଶାସନ ଚିଠିକ୍ରମେ ଗତ ଜାନୁଆରୀ ୨୬ ପର୍ୟ୍ୟନ୍ତ ଏଏସଆଇ ରତ୍ନଭଣ୍ଡାର ମରାମତି କାମ ବନ୍ଦ ରଖିଥିଲା ।
