ଭୁବନେଶ୍ୱର: ଆଜି ପ୍ରଭୁ ଶ୍ରୀ ଲିଙ୍ଗରାଜ ମହାପ୍ରଭୁଙ୍କ ପବିତ୍ର ରୁକୁଣା ରଥଯାତ୍ରା । ଚଳଚଂଚଳ ଏକାମ୍ର କ୍ଷେତ୍ର । ଅଣଲେଉଟା ରଥରେ ଚଢ଼ି ମାଉସୀଘର ଯିବେ ମହାପ୍ରଭୁ ଶ୍ରୀଲିଙ୍ଗରାଜ । ରଥରେ ଭକ୍ତ ଓ ଶ୍ରଦ୍ଧାଳୁଙ୍କୁ ଦର୍ଶନ ଦେବେ ଏକାମ୍ର ଆରାଧ୍ୟ। ଭଗବାନ ଓ ଭକ୍ତଙ୍କ ମହାମିଳନରେ ଉଛୁଳି ଉଠିବ ଏକାମ୍ର କ୍ଷେତ୍ର, ହରିବୋଲ ଓ ହୁଳହୁଳି ଶବ୍ଦରେ ପ୍ରକମ୍ପିତ ହେବ ରଥଦାଣ୍ଡ । ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ଭିଡ଼କୁ ନିୟନ୍ତ୍ରଣ କରିବା ପାଇଁ ପୁଲିସ ପ୍ରଶାସନ ମଧ୍ୟ ପ୍ରସ୍ତୁତ ରହିଛି । ଏଥି ପାଇଁ ପୁରୁଣା ଭୁବନେଶ୍ୱରର ବିଭିନ୍ନ ଗଳିରେ ଗାଡ଼ି ଯାଅଆସକୁ ବାରଣ କରାଯାଇଛି ।
