ଭୁବନେଶ୍ୱର, ୧।୦୭ : ଭୁବନେଶ୍ୱର ମହାନଗର ନିଗମ (BMC)ର ଅତିରିକ୍ତ କମିଶନର ରତ୍ନାକର ସାହୁଙ୍କୁ ଅଫିସ୍ ଭିତରେ ଆକ୍ରମଣ ଘଟଣା ଉପରେ ଜଣେ ପୂର୍ବତନ କର୍ପୋରେଟର ଏବଂ ସାମାଜିକ କର୍ମୀ ଜଗନ୍ନାଥ ପ୍ରଧାନ ମୁହଁ ଖୋଲିଛନ୍ତି। ସେ କହିଛନ୍ତି ଯେ ଏହି ଘଟଣା ପଛରେ ଅସଲ କାରଣ ରତ୍ନାକରଙ୍କ ଖରାପ ବ୍ୟବହାର ଓ ଏକ ସ୍ବଚ୍ଛ ସାଥୀ ଭଉଣୀଙ୍କ ସହ ଦୁର୍ବ୍ୟବହାର ଅଟକାଇବା ଚେଷ୍ଟା ଥିଲା। ସେ ଏହି ଘଟଣାକୁ ନିନ୍ଦନୀୟ ଭାବେ ଦେଖି ବିଜେଡିକୁ ଟାର୍ଗେଟ କରି କହିଛନ୍ତି, “ବିଜେଡିର ଇତିହାସ ସମସ୍ତେ ଜାଣନ୍ତି, ଏବେ ସେମାନେ ନୂଆ ମଜାକ କରୁଛନ୍ତି।”
ପ୍ରଧାନ ଦାବି କରିଛନ୍ତି ଯେ ସେ ଅଭିଯୁକ୍ତମାନଙ୍କ ମଧ୍ୟରୁ କିଛିକୁ ଚିହ୍ନନ୍ତି, ତେବେ ଏହା ଏକ ବ୍ୟକ୍ତିଗତ ଘଟଣା ଓ ଏହି ଘଟଣାକୁ ଢାଙ୍କିବାକୁ କେହି ଚେଷ୍ଟା କରୁନାହାନ୍ତି। ସେ କହିଛନ୍ତି, “ଅତିରିକ୍ତ କମିଶନର ମଧ୍ୟ ଆମର, ଆମ ସରକାର ଜନତାର ସରକାର, ତେଣୁ ଯେଉଁଠି ତ୍ରୁଟି ଥିବ, ତାହା ସ୍ୱୀକାର କରିବା ଉଚିତ।” ଘଟଣାର ପଛରେ ଥିବା ଦଳୀୟ ଅଭିଯୋଗ ଓ ସ୍ବଚ୍ଛ ସାଥୀ ଭଉଣୀଙ୍କ ଏତଲା ବିଷୟରେ ମଧ୍ୟ ସେ ମୁଖ ଖୋଲି ବିଭିନ୍ନ ପ୍ରତିକ୍ରିୟା ରଖିଛନ୍ତି।
