ଭୁବନେଶ୍ୱର ୦୮/ଜୁଲାଇ : ଓଲିଉଡ଼ ଅଭିନେତା ବାବୁସାନ୍ ମହାନ୍ତିଙ୍କ ଅଭିନୟ ଥିବା ‘ବୋଉ ବୁଟ୍ଟୁ ଭୁତ’ ଚଳଚ୍ଚିତ୍ର ଓଡ଼ିଆ ସିନେମା ଇତିହାସରେ ନୂଆ ରେକର୍ଡ ସ୍ଥାପନ କରିଛି। ଜଗଦୀଶ ମିଶ୍ରଙ୍କ ନିର୍ଦ୍ଦେଶନାରେ ତିଆରି ହୋଇଥିବା ଏହି ହରର କମେଡି ଫିଲ୍ମଟି ୨-୩ କୋଟି ବଜେଟରେ ବନାଯାଇ ମାତ୍ର ୨୫ ଦିନରେ ୧୫.୧୦ କୋଟି ଟଙ୍କା ଆୟ କରିଛି। ଏହି ଅପ୍ରତ୍ୟାଶିତ ସଫଳତା ଏହାକୁ ୨୦୨୫ର ସର୍ବାଧିକ ଲାଭଦାୟକ ଓଡ଼ିଆ ଚଳଚ୍ଚିତ୍ର ରୂପେ ପରିଚୟ ଦେଇଛି। ଫିଲ୍ମଟି ମାତ୍ର ଅର୍ଥନୈତିକ ଦୃଷ୍ଟିକୋଣରୁ ନୁହେଁ, ବରଂ ଦର୍ଶକଙ୍କ ମଧ୍ୟରେ ଅପାର କ୍ରେଜ୍ ବ୍ୟାପିଛି। ଏହି ସଫଳତା ଏତେବେଳେ ଉତ୍ତମ ଭାବେ ଅନୁପାତିତ ହେବା ସହିତ *’ବୋଉ ବୁଟ୍ଟୁ ଭୁତ’* ମୁମ୍ବାଇ ଇଣ୍ଡଷ୍ଟ୍ରିର ଭିକି କୌଶଳଙ୍କ ଚଳଚ୍ଚିତ୍ର ‘ଛାୱା’କୁ ମଧ୍ୟ ରିଟର୍ଣ୍ଣ ଅନୁପାତରେ ପଛରେ ପକାଇଛି। *ଛାୱା* ୧୩୦ କୋଟି ବଜେଟରେ ବନି ୬୧୫.୩୯ କୋଟି ଟଙ୍କା ଆୟ କରିଥିଲେ ମଧ୍ୟ, ଏହାର ରିଟର୍ଣ୍ଣ ୩୭୩.୩୭% ଥିଲା। ବୋଉ ବୁଟ୍ଟୁ ଭୁତ ରିଟର୍ଣ୍ଣ ଅନୁପାତ ୪୦୩.୩୩% ଥିବା ସୂଚନା ମିଳିଛି। ଏହା ସହିତ, ତୃତୀୟ ସ୍ଥାନରେ ଥିବା ରେଖାଚିତ୍ରମ୍ ଫିଲ୍ମ ୬ କୋଟି ବଜେଟରେ ତିଆରି ହୋଇ ୨୭ କୋଟି ଆୟ କରିଥିଲା, ଯାହାର ରିଟର୍ଣ୍ଣ ୩୫୦% ରହିଛି। ଏହି ତଥ୍ୟ ସ୍ପଷ୍ଟ କରେ ଯେ, ଓଡ଼ିଆ ଫିଲ୍ମ ଅଭିନବ କଥାବସ୍ତୁ, ଅପେକ୍ଷାକୃତ କମ ବଜେଟ୍ ଏବଂ ଦର୍ଶକଙ୍କ ଭଲପାଇବା ଦ୍ୱାରା ମଧ୍ୟ ଭାରତୀୟ ଚଳଚ୍ଚିତ୍ର ଜଗତରେ ନୂଆ ମାନଦଣ୍ଡ ସ୍ଥାପନ କରିପାରେ।
