ନୂଆଦିଲ୍ଲୀ ୨୨/ଜୁଲାଇ : ରାଜ୍ୟ ବିଜେପି ସଭାପତି ମନମୋହନ ସାମଲ ପୁଣି ଥରେ ଦିଲ୍ଲୀ ଗସ୍ତରେ ଅଛନ୍ତି। ସଂଗଠନ ସମ୍ପାଦକ ମାନସ ମହାନ୍ତି ମଧ୍ୟ ସେଠାରେ ଉପସ୍ଥିତ ଥିବା ଜଣାପଡ଼ିଛି। ଏହି ଗସ୍ତର ମୁଖ୍ୟ ଉଦ୍ଦେଶ୍ୟ କ୍ୟାବିନେଟ୍ ବିସ୍ତାର ଏବଂ ରାଜ୍ୟର ନୂତନ ଢାଞ୍ଚା ଗଠନ ଉପରେ ଆଲୋଚନା ବୋଲି କୁହାଯାଉଛି। ଗତକାଲି ମୁଖ୍ୟମନ୍ତ୍ରୀ ମୋହନ ମାଝୀ ରାଜ୍ୟପାଳଙ୍କୁ ଭେଟିଥିଲେ ଏବଂ କୁହାଯାଉଛି ଯେ ଏହି ଗସ୍ତ ଏଥି ସହିତ ଜଡିତ। ଏହି ଦିଲ୍ଲୀ ଗସ୍ତ ମାଧ୍ୟମରେ ଓଡ଼ିଶାରେ ପ୍ରଶାସନିକ ଏବଂ ରାଜନୈତିକ ପରିବର୍ତ୍ତନର ଏକ ନୂତନ ବ୍ଲୁପ୍ରିଣ୍ଟ ଆଙ୍କିବ ବୋଲି ଆଲୋଚନା ହେଉଛି। କ୍ୟାବିନେଟ୍ ବିସ୍ତାର ସହିତ, ନିଗମ ଏବଂ ବୋର୍ଡର ଅଧ୍ୟକ୍ଷ ନିଯୁକ୍ତି ଉପରେ ମଧ୍ୟ ଚୂଡ଼ାନ୍ତ ନିଷ୍ପତ୍ତି ନିଆଯିବ ବୋଲି ମଧ୍ୟ ସମ୍ଭାବନା ରହିଛି। ଏହି ସମସ୍ତ ପଦକ୍ଷେପରେ ମନମୋହନ ସାମଲଙ୍କ ଭୂମିକା ନିର୍ଣ୍ଣାୟକ ହେବ ବୋଲି ଦୃଢ଼ ଆଶା କରାଯାଉଛି। ମୁଖ୍ୟମନ୍ତ୍ରୀ ମଧ୍ୟ ଖୁବ୍ ଶୀଘ୍ର ଦିଲ୍ଲୀ ଗସ୍ତ କରିପାରନ୍ତି ବୋଲି ଆଲୋଚନା ହେଉଛି।
